Kranti Redkar On Mahesh Manjrekar : सोशल मीडियावर नेहमीच सक्रिय असणाऱ्या अभिनेत्रींपैकी एक म्हणजे क्रांती रेडकर. क्रांतीने आजवर अनेक मराठी चित्रपटांमधून रसिक प्रेक्षकांची मन जिंकली. सोशल मीडियावर क्रांती नेहमीच सक्रिय असते. अनेक हटके व्हिडीओ शेअर करत ती तिचे अपडेट चाहत्यांना देत असते. क्रांतीचा खूप मोठा चाहतावर्ग आहे. मध्यंतरीच्या काळात क्रांती सिनेविश्वपासून दूर होती मात्र आता ती पुन्हा एकदा चर्चेत आली आहे. सध्या क्रांती सिनेविश्वपासून दूर असली तरी यापूर्वी तिने अनेक चित्रपटांमधून महत्त्वपूर्ण भूमिका करत प्रेक्षकांच्या मनावर राज्य केलं आहे. अशातच नुकत्याच दिलेल्या मुलाखतीत अभिनेत्रीने तिच्या करिअरच्या काळातील एका दिग्दर्शकाचा किस्सा सांगितला आहे.
क्रांतीने सांगितलेला हा किस्सा महेश मांजरेकर यांचा आहे. महेश मांजरेकर यांच्या ‘लालबाग परळ’ या चित्रपटात क्रांतीचीही महत्त्वपूर्ण भूमिका होती. पण ऐनवेळी महेश मांजरेकरांनी ती भूमिकाच सिनेमातून काढून टाकली, याबाबत क्रांतीने नुकत्याच दिलेल्या मिरची मराठी या पॉडकास्टमध्ये सांगितलं. क्रांतीनं आता पर्यंत केदार शिंदे , महेश मांजरेकर अशा दिग्गज दिग्दर्शकांबरोबर काम केलं आहे, पण अशा दिग्दर्शकांसोबत काम करण्याचा अनुभव, यांच्याकडून काय शिकलीस?, असं क्रांतीला मुलाखतीत विचारण्यात आलं.
या प्रश्नाचं उत्तर देत क्रांती म्हणाली, “महेश मांजरेकर हे दिग्दर्शक म्हणून ग्रेट आहेत. त्यांच्या सिनेमात काम केल्यानंतर कलाकार म्हणून तुम्हाला खूप काय शिकायला मिळतं. मी त्यांच्याबरोबर एक सिनेमा केला होता,तो म्हणजे लालबाग परळ. या सिनेमात मी होते पण नंतर त्यांनी माझा पूर्ण रोल कापला. त्यांनी माझं पात्रच सिनेमातून काढून टाकलं होतं. ते म्हणाले की, आता मी पाचपैकी एक सीन कापेन. आणखी एक सीन कापला जाईल. फक्त तीन सीनसाठी मला तुला वाया घालवायचं नाही. त्यामुळं मी तुझी भूमिकाच सिनेमातून काढतोय”.
आणखी वाचा – “तुमचंही वय होईल, तुम्हालाही मरण…”, मरण, वयावरुन डिवचणाऱ्यांना अमिताभ बच्चन यांचं उत्तर, हटके रिप्लाय
क्रांती म्हणाली, “महेश मांजरेकरांनी सिनेमातून रोल कापल्यानंतर त्याचं दु:ख वाटलं नाही, कारण मला त्यातून बरंच काही शिकायला मिळालं होतं, असं क्रांतीनं म्हटलं. तसंच क्रांती महेश मांजरेकरांना म्हणाली की, मला काहीच प्रॉब्लेम नाही, कारण या चित्रपटात काम करणं माझ्यासाठी अभिनयाचं आणखी प्रशिक्षण घेण्यासारखंच होतं. खूप काही शिकायला मिळालं. ते देखील अगदी मोफत. उलट शिकायचे मला पैसे मिळाले. मांजरेकरांनी रोल सिनेमात व्यवस्थित बसत नसल्याने तो कापला. या गोष्टीचा सकारात्मक दृष्टीनं मी विचार केला”.
