Kalyan woman assault : सध्या सोशल मिडियावर चर्चा सुरु आहे ती म्हणजे कल्याण येथे अमराठी माणसाकडून मराठी मुलीला केलेली मारहाण. हो. सोशल मीडियावर हा व्हिडीओ तुफान व्हायरल होतोय. व्हिडीओ पाहताच पायाखालची जमीनच सरकली. त्या बलाढ्य तरुणाने येत थेट त्या काटकुट्या मुलीच्या छाताड्यात लाथ मारली. बघून अंगात शिरशिरी आली. त्यांनतर मराठी माणसाचा असा अमराठी माणसाकडून अपमान, मारहाण झालेली पाहताच मनसे पक्षाने पुढाकार घेत थेट आवाज उठविला. एका रुग्णालयात रिसेप्शनिस्टचं काम करणाऱ्या मराठी तरुणीला गोकुळ झा या इसमाने मारहाण केली. यावेळी अनेक मराठी माणसं एकत्र येथ आवाज उठविताना दिसले.
महाराष्ट्र नवनिर्माण सेनेने आक्रमक भूमिका घेतल्यानंतर हे प्रकरण चांगलंच चिघळलं. पोलिसांनी गुन्हा दाखल केल्यानंतर अखेर मनसे पदाधिकाऱ्यांनीच गोकुळला ताब्यात घेत पोलिसांच्या स्वाधीन केलं. सध्या हे प्रकरण कोर्टाची पायरी चढलं आहे. अशातच या प्रकरणासंदर्भातील एक व्हिडीओ समोर आला आणि नक्की चूक कोणाची असा सवाल मनात भेडसावू लागला. हो. त्या व्हिडीओची दुसरी बाजू सर्वांसमोर आली असली तरी व्हिडीओची पहिली बाजू काय हा विचार अर्थात सतावत होता. आणि अशातच त्या समोर आलेल्या व्हिडीओमध्ये ती तरुणी एका विचारपूस करायला आलेल्या महिलेच्या अंगावर धावून जात तिला मारताना दिसली.
आणखी वाचा – “माझा निर्णय चुकला म्हणून…”, घटस्फोटावर शर्मिष्ठा राऊत स्पष्टचं बोलली, म्हणाली, “वैष्णवी हगवणेसारखं…”
आणि त्या महिलेच्या नातलगानेच रागारागात येत त्या मुलीला मारहाण केली. एखाद्या परस्त्रीला मारहाण करणं चूक आहेच यांत दुमत नाही. पण नाण्याला दोन बाजू असतात, याचा विचार करणंही तितकंच आवश्यक आहे. एखादा रुग्ण दवाखान्यात उपचारासाठी जातो अशावेळी त्या रुग्णाला त्याच दुखणं असह्य होतं अशावेळी त्यांची, त्यांच्या नातेवाईकांची थोडीफार चिडचिडही होते. याचवेळी जर रिसेप्शनिस्टकडून त्यांना योग्य तो परी उत्तर येत नसेल तर अशावेळी त्या रुग्णासह नातेवाईकांचाही त्रागा होतो.
सध्या मराठी भाषेवरून असलेला वाद पेटून उठला आहे. त्यामुळे अर्थातच या प्रकरणाला वेगळं वळण आलेलं पाहायला मिळत आहे. अर्थात त्या मारहाण करणाऱ्या इसमाची चूक आहे, पण ती चूक करायला अशा कोणत्या गोष्टीने उत्स्फूर्त केले याची देखील शहानिशा होणे तितकेच आवश्यक आहे.
आणखी वाचा – Video : ढसाढसा कॅमेरासमोर रडू लागली तनुश्री दत्ता, व्हिडीओ शेअर करत म्हणाली, “घरातच माझा छळ…”
नेमकं प्रकरण काय?
डॉक्टरांच्या केबिनमध्ये एमआर बसले असल्यामुळे रुग्णांना काही काळ आत न पाठवण्याची सूचना रिसेप्शनिस्ट तरुणीला मिळाली होती. त्यामुळे तिने आरोपीसह इतर रुग्णांना थोडा वेळ थांबण्यास सांगितले होते. मात्र, तरीही तो ऐकत नसल्याने तिने आरोपी गोकुळला आत जाण्यापासून थांबवण्याचा प्रयत्न केला. यामुळे चिडलेल्या गोकुळने Kalyan Marathi Receptionist ला केसांना धरुन बेदम मारहाण केल्याचे समोर आले आहे. या हल्ल्याचे सीसीटीव्ही फूटेजही व्हायरल झाले.
