Kalki Koechlin divorce : अभिनेत्री कल्की कोचलीन हिने २०११ मध्ये उटी येथे दिग्दर्शक अनुराग कश्यपशी लग्न केले. दोघे ‘देव डी’ या चित्रपटाच्या सेटवर भेटले. त्यांनतर अगदी दोन वर्षातच म्हणजे २०१३ मध्ये त्यांनी विभक्त होण्याची घोषणा केली आणि २०१५ मध्ये त्यांनी अधिकृत घटस्फोटही घेतला. अशातच आता अभिनेत्री दिग्दर्शकाबरोबरच्या घटस्फोटाबद्दल उघडपणे बोलली आहे. असे म्हटले जाते की एक्स पतीपासून विभक्त होणे तिच्यासाठी सोप्पे नव्हते, परंतु अडचणींनी भरलेले होते. २०१५ साली कल्की आणि अनुराग यांनी घटस्फोट घेतला असला तरी अभिनेत्रीने त्यांच्या नात्याबद्दल केलेलं भाष्य लक्षवेधी आहे.
‘झूम’ शी बोलताना कल्की कोचलीन हिने अनुराग कश्यपपासून विभक्त होण्याविषयी सांगितले. असा एक काळ होता जेव्हा तिला असे वाटले की दोघांनीही एकमेकांच्या आयुष्यापासून दूर रहावे. ती पुढे म्हणाली, “त्याला दुसर्या कोणा महिलेबरोबर पाहून मला वाईट वाटले. कारण मी खूप काही गमावत आहे असं मला वाटत राहायचं. अभिनेत्रीने आता त्यांचे संबंध कसे आहेत हे देखील यादरम्यान स्पष्ट केले. कल्कीने मुलाखतीत सांगितले की, तिला या नात्यातून बाहेर पडण्यासाठी काही वर्षे लागली. त्यांचा तसा काही संबंध नव्हता. सुरुवातीला त्याने अंतर ठेवले”.
पुढे ती म्हणाली, “मी १३ वर्षांची असताना माझ्या आई-वडिलांचा घटस्फोट झाला. त्यावेळी घरातील वातावरण अत्यंत वाईट होतं. ते खरोखरच एकमेकांसाठी वाईट होते. ते एकमेकांचा तिरस्कार करायचे. मी त्या काळात मोठे झाले. तो कठीण काळ होता. कदाचित त्यांच्या घटस्फोटाचा परिणाम माझ्या मनावर इतका झाला की माझाही घटस्फोट त्यामुळे झाला असावा. माझे पालक वेगळे होताना एकमेकांचा तिरस्कार करताना मी पाहिले आहे. अशा घटनांमुळे वाईट परिस्थितीला आपण सामोरे जाऊ शकत नाही, असे वाटू लागले. स्वतःवरचा विश्वास कमी होतो. पण, मी उपचार घेतले, थेरपी घेतली, त्यामुळे मला त्यावर मात करता आली”.
ती पुढे म्हणाली, “आता आमच्यात गोष्टी ठीक आहेत आणि आम्ही वेळोवेळी एकमेकांना भेटतो”. कल्की गेल्यावर्षी अनुराग कश्यप आणि त्याची पहिली पत्नी आरती बजाज यांच्या मुलीच्या लग्नालाही हजेरी लावली होती. कल्कीच्या आयुष्याबद्दल बोलायचे झाले तर ती इस्त्रायली मायसियान गाय हरशबर्गची पत्नी आहे. दोघांनी लग्नापूर्वी फेब्रुवारी २०२० मध्ये मुलगी सपोला जन्म दिला. दोघेही इस्रायलमधील पेट्रोल पंपवर भेटले. प्रदीर्घ चर्चेनंतर त्यांचे नाते आणखी तीव्र झाले. आणि मग त्यांनी बाळाची योजना आखली.
