सध्या देशभरात नवरोत्सव मोठ्या थाटामाटात साजरा केला जात आहे. सर्वजण दुर्गा देवीच्या पूजेत आणि भक्तीत मग्न असलेले पाहायला मिळत आहेत. बॉलिवूडचे कलाकारही नवरात्रोत्सव मोठ्या उत्साहात साजरा करताना दिसतात. ठिकठिकाणी गरबा, दांडियाला तर हजेरी लावतात पण देवींच्या दर्शनासाठी ते जाताना दिसतात. दरवेळी प्रमाणे यावेळीही अनेक कलाकार दुर्गा पूजा पंडालमध्ये देवीचा आशीर्वाद घेण्यासाठी पोहोचले. विशेष म्हणजे नेहमीप्रमाणे काजलही आपल्या कुटुंबाबरोबर देवीच्या पंडालात पोहोचली होती. यावेळी तिच्याबरोबर एक अपघात घडला त्याचा व्हिडीओ सध्या सोशल मीडियावर बराच व्हायरल होत आहे. (Kajol fell down in durga puja)
काजोलही दरवर्षी नवरात्रीमध्ये दुर्गापूजा सामरंभात तिच्या संपूर्ण कुटुंबासह दुर्गेचा आशीर्वाद घेण्यासाठी जाते. यावर्षीही ती देवीचा आशीर्वाद घ्यायला पोहोचली. यावेळी तिने गुलाबी रंगाची साडी घातली होती. यादरम्यान काजलबरोबर एक अपघात घडला. ती चालत असताना मोबाईल फोनचा वापर करत होती. चालता चालता काजल स्टेजवरून अचानक खाली पडली. हा सर्व प्रकार कॅमेरात कैद झाला आहे. ती पडल्यानंतर तिथे असल्या आजूबाजूच्या लोकांनी तिला सांभाळलं. काजलला पडताना बघून त्याचा मुलगा युगही तिथे धावून आला.
पंडालमधील काजलचा हा व्हिडीओ सध्या सोशल मीडियावर बराच व्हायरल होत आहे. काहींनी तिला ट्रोल केलं आहे तर काहींनी तिला काळजी घेण्याचा सल्ला दिला आहे. एक नेटकरी लिहीतो, ‘नेहमीच ती धडपडत असते. जरा सांभाळून मॅडम’. तर दुसरा नेटकरी लिहीतो, ‘फोनचं चक्कर मृत्यूला टक्कर’ तर एकाने, ‘सगळ्यांनी शांत राहा तिच्यासाठी हे रोजचं आहे’, असं लिहीत कमेंट केली आहे.
काजल पडण्याची ही पहिली वेळ नाही. ती सतत कुठेना कुठे धडपडत असते. बरेच असे किस्से आहेत ज्यात तिने स्वतःच याबाबत सांगितलं आहे. ती ‘कुछ कुछ होता है’ चित्रपटाच्या शुटिंग वेळीही पडली होती. त्यावेळी तर तिच्या डोक्याला गंभीर दुखापत झाली होती. असे बरेच किस्से मुलाखतीत ऐकायला मिळतात.
