काही महिन्यांपासून मराठी सिनेसृष्टीतील अनेक लोकप्रिय कलाकार जोड्या विवाह बंधनात अडकताना पाहायला मिळाल्या. यामध्ये ‘जीव माझा गुंतला’ फेम अभिनेत्री योगिता चव्हाण व अभिनेता सौरभ चौगुले यांच्या ही शाही विवाह सोहळ्याची विशेष चर्चा रंगली. छोट्या पडद्यावरील ही ऑनस्क्रीन जोडी आता खऱ्या आयुष्यातही एकत्र लग्न बंधनात अडकलेली पाहायला मिळाली. योगिता व सौरभ यांनी ३ मार्च रोजी विवाह सोहळा उरकला. दोघांच्या लग्नातील शाही विवाहसोहळ्याच्या फोटोंनी चाहत्यांच लक्ष वेधून घेतलं. कुटुंबीय, नातेवाईक व मित्र परिवाराच्या उपस्थितीत त्यांनी हा विवाह सोहळा उरकला. (Yogita chavan and saurabh chaughule new home)
दोघांच्या लग्नाची विशेष चर्चा राहिलेली पाहायला मिळाली. त्यांच्या लग्नातील फोटो, व्हिडीओदेखील सोशल मीडियावर तुफान व्हायरल झाले. याशिवाय ही जोडी चर्चेत आली ती म्हणजे त्यांच्या लग्नानंतरच्या हनिमून डेस्टिनेशनमुळे. दोघेही थायलंडला हनिमूनला गेलेले पाहायला मिळाले. तेथील अनेक फोटो त्यांनी चाहत्यांसह शेअर केलेले पाहायला मिळाले. यानंतर आता योगिता व सौरभ यांनी सोशल मीडियावरुन चाहत्यांसह एक आनंदाची बातमी शेअर केली आहे. योगिता व सौरभ सोशल मीडियावर नेहमीच सक्रिय असतात. नेहमीच काही ना काही शेअर करत ते चाहत्यांच्या संपर्कात राहत असतात.
अशातच योगिता व सौरभ यांनी चाहत्यांसह एक आनंदाची बातमी शेअर केली आहे. लग्नानंतर दोघांनी आता नव्या घरात गृहप्रवेश केलेला पाहायला मिळत आहे. नव्या घराचे फोटो शेअर करत दोघांनी नवं घर घेतलं असल्याची खुशखबर ल शेअर केली आहे. योगिता-सौरभच्या पहिल्या फोटोमध्ये दोघंही घरात गृहप्रवेश करताना दिसत आहेत. यावेळी दोघांचा पारंपरिक अंदाज लक्षवेधी ठरत आहे. तर दुसऱ्या फोटोमध्ये योगिता व सौरभ यांच्या नावाची आकर्षक अशी पाटी लक्ष वेधून घेत आहे.
मुंबईतील पवई येथे दोघांनी हे नवं घर घेतलं असल्याचं समोर आलं आहे. ही पोस्ट शेअर करत त्याखाली कॅप्शन देत त्यांनी असं लिहिलं आहे की, “एक स्वप्न आपलं, एकत्र पूर्ण करुया, नवीन शहरात, नवीन संसार थाटूया, नव्या सुरुवातीचे स्वागत”, असं खास कॅप्शन त्यांनी दिलं आहे.