Ashwini Mahangade On Senior Actress Archana Patkar: ‘स्टार प्रवाह’ वाहिनीवरील आई कुठे काय करते ही मालिका प्रचंड लोकप्रिय झाली. मालिकेतील कलाकार घराघरांत पोहोचले. जवळपास पाच वर्षे या मालिकेने प्रेक्षकांचं मनोरंजन केलं. पाच वर्षानंतर मालिकेने निरोप घेतल्यानंतर प्रेक्षकांनी नाराजी व्यक्त केली. दरम्यान या मालिकेत मिलिंद गवळी, मधुराणी प्रभुलकर, गौरी कुलकर्णी, अर्चना पाटकर आणि इतर कलाकार देखील या मालिकेत पाहायला मिळाले. यत्तेला अनेक कलाकार सध्या वेगवेगळ्या मालिकांमध्ये काम करताना पाहायला मिळत आहेत. तसेच हे कलाकार अभिनयाबरोबरच सोशल मीडियाच्या माध्यमातून प्रेक्षकांच्या संपर्कात असतात. अनेकदा कलाकार त्यांच्या मनातील भावनादेखील व्यक्त करतात. अशातच अभिनेत्री अश्विनी महांगडे नुकतीच सोशल मीडियावर पोस्ट शेअर केली आहे. ज्येष्ठ अभिनेत्री अर्चना पाटकर यांच्यासाठी त्यांनी ही पोस्ट केली आहे.
अर्चना पाटकर यांच्यासह तिने काही फोटो शेअर करत लिहिलं आहे की, “ती उत्तम कलाकार आहे, तिच्यातली माणुसकी आपल्याला खूप शिकवून जाते, ती सहकलाकार म्हणून अप्रतिम आहे कारण ती सांभाळून घेते, ती नकळत आपल्यावर चांगले संस्कार करते,ती प्रेम देते, ती मायेने कुशीत घेते,ती आपण खचलो तर आपल्याला हात देते, ती सतत आपल्याला उंच भरारी घे असंच सांगत राहते,ती मैत्रीची सगळी कर्तव्य पार पाडते. ती माझी अर्चूडी, आज्जूडी माझे तुझ्यावर प्रचंड प्रेम आहे.” (Ashwini Mahangade On Senior Actress Archana Patkar)
अश्विनीने प्रेम व्यक्त करीत असेही लिहिले की, माझे तुझ्यावर प्रचंड प्रेम आहे. अश्विनीने याआधीही अनेकदा अर्चना पाटकर यांच्याप्रतिचे प्रेम व्यक्त केले आहे. ती सोशल मीडियावर वेळोवेळी तिच्या मनातील भावना व्यक्त करते. दोघींनी आई कुठे काय करते या मालिकेत एकत्र काम केले होते. (Ashwini Mahangade On Senior Actress Archana Patkar)
