Housefull 5 Movie : गेले कित्येक महिने ‘हाऊसफुल ५’ चित्रपटाची जोरदार चर्चा सुरु आहे. चित्रपटाची घोषणा झाल्यापासूनच प्रेक्षकांमध्ये कमालीची उत्सुकता होती. अखेरीस चित्रपटाची पहिली झलक समोर आली आहे. ‘हाऊसफुल ५’चा जवळपास चार मिनिटांचा ट्रेलर प्रदर्शित झाला आहे. हा ट्रेलरमधून चाहत्यांनाही एकापेक्षा एक दमदार सरप्राइज मिळाले आहेत. ‘हाऊसफुल’च्या पहिल्या चार भागांना प्रेक्षकांचा तुफान प्रतिसाद मिळाला. बॉक्स ऑफिसवरही गाजलेले हे चारही चित्रपट पाहता पुढचा भागही शूट करण्याचा निर्णय घेण्यात आला. ‘हाऊसफुल ५’मध्य फक्त मॅडनेस आणि मॅडनेसच अनुभवायला मिळणार असल्याची झलक ट्रेलरमध्ये दिसत आहे. तसेच बॉलिवूडमधील दिग्गज कलाकारांची फौज चर्चेचा विषय ठरत आहे. (housefull 5 movie trailer)
‘हाऊसफुल ५’च्या ट्रेलरची सुरुवातच एका अलिशान जहाजाने होते. रंजीत दोबरियाल त्याचा १००वा वाढदिवस सेलिब्रेट करण्यासाठी जहाज बूक करतो. जिथे जोरदार पार्टी करण्याचं नियोजन होते. बिल किती हे जगजाहिर करण्यासाठी रणजीत पार्टीचा खटाटोप करतो. त्यानंतर ज्येष्ठ अभिनेते रणजीत यांचीही झलक दिसते. रणजीत ट्रेलरमध्ये बोलतात की, माझ्या संपत्तीचा खरा वारसदार माझा मुलगा जॉली आहे. पण रितेश देशमुख, अभिषेक बच्चन आणि अक्षय कुमार स्वतः रणजीतचा मुलगा जॉली असल्याचं म्हणवून घेतात.
आणखी वाचा – सुप्रसिद्ध अभिनेत्रीला अश्लील मॅसेज करणारा ‘तो’ मराठी अभिनेता नक्की कोण?, ‘सेक्सी’ म्हणूनही डिवचलं अन्…
पाहा ट्रेलर
आता नक्की जॉली कोण?, संपत्तीचा खरा वारसदार कोण?, हे समजून, जाणून घेण्यात मजा-मस्ती घडते. तसेच चित्रपटाची कथाही याच भोवती फिरताना दिसते. तब्बल १९ कलाकार या चित्रपटात काम करत आहेत. तसेच प्रत्येकाची भूमिकाही विशेष लक्षवेधी ठरत आहे. नाना पाटेकर, अक्षय कुमार, रितेश देशमुख, चंकी पांडे, चित्रांगदा सिंह, फरदीन खान, जॉनी लिवर, श्रेयस तळपदे, नरगिस फाखरी, संजय दत्त, जॅकी श्रॉफ आदी कलाकार चित्रपटात दंगा घालताना दिसणार आहेत.
आणखी वाचा – ‘बिग बॉस’ फेम अभिनेत्रीच्या घरी चोरी, मोठी रक्कम आणि दागिने लंपास, बहिणीच्या लग्नाची सुरु होती तयारी अन्…
साजिद नाडियाडवाला निर्मित या चित्रपटाचं दिग्दर्शन तरुण मनसुखानीने केलं आहे. ट्रेलर पाहूनच चित्रपट बघाला की नाही? हे प्रेक्षकांनी ठरवलं आहे. विविध प्रतिक्रिया देत ‘हाऊसफुल ५’बाबत प्रेक्षकांनी मत मांडलं. चित्रपट कधी प्रदर्शित होतो असं झालंय, संवाद एक नंबर, अक्षय कुमार खूपच आवडला, नाना पाटेकरांसाठी चित्रपट बघणार, अखेर एक ब्लॉकबस्टर चित्रपट येत आहे अशा विविध कमेंट प्रेक्षकांनी केल्या आहेत. येत्या ६ जूनला चित्रपट बॉक्स ऑफिसवर दाखल होईल.
