Rohan Gujar Post : मराठी कलाविश्वात बरीच कलाकार मंडळी आनंदाची बातमी देताना दिसत आहेत. काहींनी लग्नगाठ बांधत, काहींनी साखरपुडा समारंभ उरकत तर काहींनी आई-बाबा होणार असल्याची आनंदाची बातमी चाहत्यांना दिली. अशातच आता एका मराठमोळ्या अभिनेत्याने बाबा होणार असल्याची गुडन्यूज सोशल मीडिया पोस्टद्वारे दिली आहे. हा अभिनेता म्हणजे ‘होणार सून मी या घरची’ फेम रोहन गुजर. रोहनने आजवर अनेक मालिकांमध्ये काम केलं. ‘बन पाव’, ‘लव्ह लग्न लोचा’, ‘नवी जन्मेन मी…’ या मालिकांमध्ये त्याने काम केलं. मात्र ‘होणार सून…’ मालिकेतील त्याची पिंट्या ही भूमिका विशेष गाजली. आणि या मालिकेतील त्याच्या भूमिकेने त्याला खऱ्या अर्थाने लोकप्रियता मिळाली.
रोहन त्याच्या खऱ्या आयुष्यामुळेही बरेचदा चर्चेत असलेला पाहायला मिळाला. त्याने नोव्हेंबर २०१७ मध्ये स्नेहल देशमुखबरोबर लग्नगाठ बांधली. हे दोघंही अनेक वर्षे एकमेकांना ओळखत होते. रोहन आणि स्नेहल सोशल मीडियावर बऱ्यापैकी सक्रिय असतात. अशातच सोशल मीडियावर या जोडप्याने त्यांच्या आयुष्यातील एक आनंदाची बातमी चाहत्यांबरोबर शेअर केली आहे. रोहन आणि स्नेहल लवकरच आई-बाबा होणार आहेत. डोहाळेजेवणाचा सुंदर व्हिडीओ शेअर करत या जोडप्याने ही आनंदाची बातमी सर्वांना सांगितली आहे.
आणखी वाचा – “मालिकेत माझेही पैसे बुडवले…”, थकबाकी प्रकरणावर मराठी अभिनेत्याचा खुलासा, म्हणाला, “मी पोस्ट केली…”
A post shared by Rohan J M Gujar / रोहन गुजर (@rohanatinsta)
लग्नाच्या आठ वर्षांनी रोहन व स्नेहल आई-बाबा होणार आहेत. “New Chapter प्रेमाच्या माणसांसोबत रंगलेला हा प्रेमळ सोहळा!” असं कॅप्शन रोहनने या व्हिडीओला दिलं आहे. जवळचे कुटुंबीय अन् नातेवाईंकाच्या उपस्थितीत स्नेहलच्या डोहाळेजेवणाचा कार्यक्रम पार पडला. डोहाळेजेवणाच्या कार्यक्रमात रोहन आणि स्नेहल या दोघांनीही Twinning लूक केल्याचं पाहायला मिळालं. रोहनने शेअर केलेल्या व्हिडीओवर मराठी कलाकारांनी कमेंट्स करत त्यांचं अभिनंदन केलं आहे.
