संगीताला भाषा नसते असं म्हणतात त्याचा प्रत्यय आता येत आहे. काही दिवसांपूर्वीच हॉलिवूड पॉपस्टार रिहानाने अनंत अंबानी व राधिका मर्चंट यांच्या प्री-वेडिंग सोहळ्यासाठी हजेरी लावली होती. यामध्ये रिहानाने तिच्या काही प्रसिद्ध गाण्यांवर परफॉर्मन्स सादर केले होते. तिचे अनेक व्हिडीओ सोशल मीडियावर मोठ्या प्रमाणात व्हायरल झाले होते. अशातच आता प्रसिद्ध हॉलिवूड गायक एड शिरन हा मुंबईमध्ये दाखल झाला आहे. मुंबईमध्ये १६ तारखेला होणाऱ्या कार्यक्रमासाठी तो मुंबईमध्ये आला आहे. यादरम्यान त्याने मुंबईमधील एका शाळेला भेट दिली. यावेळी त्याने मुलांबरोबर मजा मस्ती केली, गाणी गायली आहेत. हे व्हिडीओ मोठ्या प्रमाणात मोठ्या प्रमाणात व्हायरल होत आहेत. (Ed sheeran instagram video)
त्याने त्याच्या इन्स्टाग्राम अकाऊंटवरुन शाळेतील मुलांबरोबरचा व्हिडीओ शेअर केले आहेत. त्यावर त्याने कॅप्शन लिहिले आहे की, “आज सकाळी मी मुंबईमधील एका शाळेला भेट दिली आणि मुलांबरोबर गाणे गाऊन खूप धमाल मस्ती केली. भारतामध्ये येऊन आनंद झाला”.
गायक एड शिरन हा भारतात २०१५ व २०१७ सालीही आला होता. तो तिसऱ्यांदा भारतात आला आहे. याआधी तो आला होता तेव्हा त्याचे अनेक बॉलिवूड कलाकारांबरोबरचे फोटो व्हायरल झाले होते. २०१७ मध्ये चित्रपट दिग्दर्शक व कोरिओग्राफर फराह खानने तिच्या घरी पार्टीचे आयोजन केले होते. एड शिरनचा १६ मार्चला महालक्ष्मी रेसकोर्सवर कॉन्सर्ट आयोजित केला आहे.
त्याला आतापर्यंत त्याच्या गाण्यांसाठी ब्रिट अवॉर्ड्स व ब्रिटिश ब्रेक थ्रू अवॉर्ड मिळाले आहेत.तसेच ‘शेप ऑफ यू’ या गाण्यामुळे त्याला अधिक प्रसिद्धी मिळाली आहे. हे गाणे केवळ ब्रिटनमध्येच नाही तर संपूर्ण जगभरात प्रसिद्ध झाले. तब्बल ४४ देशांमध्ये हे गाणे पहिल्या क्रमांकावर होते. याबरोबरच ‘परफेक्ट’, ‘आय डोन्ट केअर’, ‘बॅड हॅबिट्स’, ‘शिव्हर्स’ ही गाणीदेखील प्रसिद्ध आहेत.