सुप्रसिद्ध अभिनेता जिमी किमेल सध्या चर्चेत आहे. जिमी हॉलिवूडमधील एक प्रसिद्ध अभिनेता असून ऑस्कर पुरस्काराचे सूत्रसंचालक म्हणूनही त्यांची ओळख आहे. या वर्षीचे ऑस्कर पुरस्काराचे सूत्रसंचालन जिमी यांनी केले होते.पण आता ते त्यांच्या कोणत्याही कार्यक्रम किंवा चित्रपटामुळे नाही तर एका वेगळ्याच कारणामुळे चर्चेत आले aआहेत. जिमीचा मुलगा बिली सात वर्षाचा असून त्याच्यावर तिसऱ्यांदा ओपन हार्ट सर्जरी करण्यात आली आहे. याबद्दल जिमी यांनी सोशल मीडियाद्वारे माहिती दिली आहे. (Jimmy Kimmel son )
मुलाच्या शस्त्रक्रियेसंदर्भात स्वतः जिमी यांनी माहिती दिली. इन्स्टाग्रामवर त्यांनी एक पोस्ट शेअर केली आहे. यामध्ये त्यांनी आपल्या कुटुंबियांचे व घरच्यांचे आभार मानले आहेत. शेअर केलेल्या पोस्टमध्ये रुग्णालयातील बेडवर त्याचा मुलगा झोपलेला दिसून येत आहे. तसेच त्यांनी लिहिले की, “आम्ही तिथे खूप आशेने तसेच खूप घाबरून आत गेलो होतो. पण एक आनंद, सुख व निरोगी मुलाला घेऊन बाहेर आलो आहोत”.
पुढे त्यांनी लिहिले की, “या रुग्णालयात मी सगळीकडे फिरलो. तिथे मी अशा पालकांना, मुलांना आणि अशा मुलांना भेटलो ज्यांना सर्व गोष्टींशी सामना करताना पाहिले आहे. हा माझ्यासाठी एक वेगळा अनुभव होता”.
किमेलने या पोस्टमधून सगळ्यांचे आभार मानले. तसेच अनोळखी असतानाही सर्व मुलांसाठी प्रार्थना केल्या. ५६ वर्षीय अभिनेत्याने पत्नी मौली मॅकेरियरनसाठीदेखील कौतुकाची पोस्ट लिहिली आहे. यामध्ये त्यांनी लिहिले की, “माझी पत्नी मौलीचे आभार. ती खूप धीराची आहे. पन तुझ्यापेक्षाही अधिक धीराचा सात वर्षाचा मुलगा आहे. ज्याला आपण ओळखतो”. तसेच अजून एका पोस्टमध्ये लिहिले की, “एकमेकांची काळजी घेण्याव्यतिरिक्त अधिक असे काहीच नाही. खूप प्रेम आणि आभार. जिमी”.
मुलाचा जन्म झाला तेव्हापासूनच हृदयासंबंधीच्या आजाराने मुलगा त्रस्त होता. नंतर त्याच्यावर उपचार करण्यात आले तसेच जन्मानंतर लगेचच त्याच्यावर शस्त्रक्रिया करण्यात आली. किमेलला नऊ वर्षाची मुलगीदेखील आहे. तसेच आधीच्या एका लग्नापासून त्याला ३२ वर्षाची मुलगी व ३० वर्षाचा मुलगा आहे.
