Hina Khan Shares Video : हिना खान सध्या रॉकी जयस्वालबरोबर तिच्या विवाहित आयुष्याचा आनंद घेत आहे. नुकताच तिने एक रॉकीचा व्हिडीओ शेअर केला आहे, ज्यामध्ये तो अभिनेत्रीच्या पायांची मालिश करताना दिसला आहे. हा व्हिडीओ शेअर करत ‘हिना खानने फूल देणारा नाही तर, फुलासारखा जपणारा मिळाला आहे’ असं कॅप्शन दिलं आहे. हिनाचा हा व्हिडीओ सध्या तुफान व्हायरल होत आहे आणि हा व्हिडीओ पाहिल्यानंतर चाहत्यांनी रॉकी जयस्वालचे कौतुक केला आहे. हिनाने हा व्हिडीओ स्वत:च बनविला आहे, तर रॉकीचे संपूर्ण लक्ष तिच्या पायाच्या मालिशवर आहे. कॅन्सर उपचारादरम्यानही रॉकी हिनाची बरीच सेवा करताना दिसला.
दु: खाच्या प्रत्येक क्षणी रॉकी जयस्वाल हिना खानची सेवा करताना दिसला आणि त्याला पाहून चाहत्यांची मने त्याने जिंकली. हिना आणि रॉकी सुमारे १३ वर्षांपासून एकमेकांना डेट करत होते आणि आता त्यांनी अखेर लग्न केले आहे. हिना खानला त्याच्या वैयक्तिक आयुष्यात खूप त्रास सहन करावा लागला. वडिलांच्या मृत्यूनंतर मग हिना खानला कर्करोगाने ग्रासले. परंतु रॉकी जयस्वालने तिला आणि तिच्या कुटुंबाला कधीही दूर केले नाही. रॉकी, हिनाच्या कर्करोगाविरुद्धच्या लढाईत धैर्य म्हणून उभा राहिला आणि त्याने तिची खूप काळजी घेतली.
आणखी वाचा – Video : वडिलांचं पार्थिव पाहताच ढसाढसा रडू लागली मन्नारा चोप्रा, मन हेलावून टाकणारा व्हिडीओ समोर
तो अजूनही हिना खानची काळजी घेत आहे. हिना खानने आपल्या इन्स्टाग्राम अकाऊंटवर हा व्हिडीओ शेअर केला आणि सांगितले की, ही तिचा पती रॉकी जयस्वालची रोजची दिनचर्या आहे. तो दररोज तिच्या पायांची मालिश करतो. कर्करोगाच्या उपचारादरम्यान, रॉकी हिनाच्या औषधांची, खाण्यापिण्याची काळजी घेत असे. तो तिच्या डोक्याला तेल लावून मालिश करत असे आणि कधीकधी तिचे पायही दाबत असे.
हिनाने व्हिडीओ शेअर करत लिहिले, “कदाचित वरच्याने शरीराला दुखापत केली, पण आत्म्याला शांती दिली. त्याची रोजची दिनचर्या. आम्ही ठीक आहोत, होय लवकरच. मुकम्मल शिफा इंशाल्लाह”. हिना खानचा व्हिडीओ पाहून, चाहते म्हणत आहेत की, तिने गेल्या जन्मामध्ये काही पुण्य केले असावे, ज्याला तिला रॉकी जयस्वालसारखा पती मिळाला. “तुमच्यात किती प्रेम आहे. कधीकधी मला भीती वाटते की कोणाला हे पाहवलं नाहीतर. देवा या दोघांना वाईट डोळ्यांपासून दूर ठेवा”. तर आणखी एकाने कमेंट करत म्हटलं, “तुम्हाला रॉकी सारखा जोडीदार मिळाला आहे, तुम्ही या जगातील सर्वात आनंदी मुलगी आहात”.
