genelia deshmukh Vat purnima : आज सर्वत्र वटपौर्णिमा अगदी थाटामाटात साजरी केली जाताना दिसत आहे. अनेक कलाकार मंडळीही त्यांची पहिली वटपौर्णिमा साजरी करताना दिसत आहेत. रेश्मा शिंदे, अंकिता वालावलकर या कलाकारांनी त्यांची वटपौर्णिमा साजरी केली. तर बॉलिवूड आणि मराठी सिनेसृष्टीतील लोकप्रिय अभिनेत्री जेनेलिया देशमुखनेही वटपौर्णिमा साजरी केली असल्याचं समोर आलं आहे. देशमुखांच्या सूनेने महाराष्ट्रीयन परंपरा जपत वटपौर्णिमा साजरी केली आहे. देशमुखांच्या घरी प्रत्येक सणवार अगदी मराठमोळ्या अंदाजात साजरे केले जातात. रितेशबरोबर लग्न करुन देशमुखांच्या घरी आल्यानंतर जेनेलिया नेहमीच प्रत्येक परंपरा जपण्यात पुढाकार घेताना दिसली.
अगदी आपुलकीने जेनेलिया तिच्या सासरी प्रत्येक सण तितक्याच उत्सवात साजरा करते. आणि याचे अनेक फोटो, व्हिडीओ देखील ती सोशल मीडियावर शेअर करते. यामुळे नेहमीच सोशल मीडियावर तिचं कौतुक झालेलं पाहायला मिळालं आहे. सोशल मीडियावर तर जेनेलियाला सगळेच वहिनी अशी आत्मीयतेने हाक देतात. तर रितेशला दादा म्हणतात. प्रेक्षकांच्या या लाडक्या जेनेलिया वहिनीने वटपौर्णिमा साजरी केली असून तिने याचा व्हिडीओ सोशल मीडियावर शेअर केला आहे.
आणखी वाचा – “तोच पती सात जन्म मिळतो हे पटतं तुला?”, वटपौर्णिमा साजरी करण्यावरुन अंकितावर भडकली चाहती, दिलं सडेतोड उत्तर
दरवर्षीप्रमाणे यंदाही जेनेलियाने वटपौर्णिमा साजरी केली असून याचा सुंदर असा व्हिडीओ इंस्टाग्राम अकाउंटवर शेअर केला आहे. “dearest नवरा, आय लव्ह्यू यु रितेश”, असं कॅप्शन देत तिने हा व्हिडीओ शेअर केला आहे. आणि यामध्ये रितेशलाही टॅग केलं आहे. समोर आलेल्या व्हिडीओमध्ये जेनेलियाने घरच्या घरीच वटपौर्णिमेची तयारी केली असल्याचं दिसत आहे. आणि ती वडाला सात फेरे घेताना दिसत आहे.
आणखी वाचा – पारंपरिक लूक, मराठमोळा साज अन्…; रेश्मा शिंदेची पहिली वटपौर्णिमा, साऊथ इंडियन पतीसह घेतले सात फेरे
यावेळी अभिनेत्रीचा मराठमोळा अन्दाज पाहायला मिळत आहे. अभिनेत्रींच्या या संस्काराचे अनेकजण कौतुक करत आहेत. यापूर्वीही देशमुखांच्या सूनेच्या संस्काराचे कौतुक झालेले पाहायला मिळाले. रितेश आणि जेनेलिया यांच्या मुलांवरील संस्कारांचेही वेळोवेळी कौतुक झाले आहे. कलाविश्वात ही जोडी लोकप्रिय जोडींपैकी एक असून नेहमीच ते चर्चेत असतात. अनेक वर्ष एकमेकांना डेट केल्यानंतर अखेर जेनेलिया आणि रितेश यांनी २०१२ मध्ये लग्न केले.
