अभिनेत्री गौतमी देशपांडे हिचा नुकताच शाही विवाहसोहळा संपन्न झाला आहे. कन्टेन्ट क्रिएटर स्वानंद तेंडुलकरसह तिने लग्नगाठ बांधली. गौतमी व स्वानंद यांच्या लग्नाचा शाही थाटमाट सिनेसृष्टीत विशेष चर्चेत राहिला. गौतमी-स्वानंद यांच्या लग्नाबरोबरचं त्यांच्या मेहंदी व संगीत सोहळ्यानेही साऱ्यांचं लक्ष वेधून घेतलं. गौतमीने मेहंदीपासून हळदीपर्यंत अगदी वेगवेगळे लुक केलेले दिसून आले. ज्यामध्ये एकही मराठमोळा लुक नव्हता. त्यामुळे तिचा लग्नातील लुक कसा असेल याकडे सर्वांचे लक्ष लागून राहिले होते. मात्र लग्नासाठी गौतमीने मराठमोळा लूक केला होता. (Mrunmayee Deshpande Parents)
गौतमीच्या लग्नसोहळ्यात भाव खाऊन गेली ती म्हणजे तिची बहीण अभिनेत्री मृण्मयी देशपांडे. बहिणीच्या लग्नसाठी मृण्मयी जय्यत तयारी करताना दिसली. लग्नाआधीपासूनचं ती गौतमीच्या संगीत, केळवणाच्या तयारीला लागली होती. गौतमीच्या मेहंदीला मृण्मयीचा डान्स चांगलाच व्हायरल झाला होता. शिवाय बहिणीच्या लग्नातील मृण्मयीच्या हळदीच्या व लग्नाच्या लूकनेही साऱ्यांचं लक्ष वेधून घेतलं. अनेक पोस्ट शेअर करत त्यांनी लग्नाच्या आठवणी फोटोरुपात कैद केल्या आहेत.
मृण्मयीने तिच्या इन्स्टाग्राम अकाऊंटवरून आई-बाबांचे गोड फोटो शेअर केले आहेत. या फोटोंमध्ये मृण्मयी व गौतमीचे आई-बाबा हटके पोज देत आहेत. हे फोटो शेअर करत मृण्मयीने त्या फोटोंचं विश्लेषण केलं आहे. मृण्मयीने पोस्ट शेअर करत कॅप्शन दिलं आहे की, “बायकांची नेहेमीची पोज नवऱ्याचं ऐकायचं नाही. आई – बाबांची नेहेमीची पोज तू गप्प बस इती. आई – हाणीन धरून इती बाबा. स्थळ – गौतमीचं लग्न” असं म्हटलं आहे. मृण्मयीने शेअर केलेल्या फोटोंमध्ये त्यांचे आई बाबा फोटो काढताना मज्जा मस्ती करताना दिसत आहेत.
मृण्मयी व गौतमीचे आई-बाबा कलाविश्वपासून दूर आहेत. त्या दोघांचं राहणीमान साधं आहे हे त्यांच्या फोटोंवरुन कळून येत आहे. आजवर या देशपांडे सिस्टर्सने स्वतःच्या अभिनयाच्या जोरावर रसिकांच्या मनात आपली जागा निर्माण केली आहे.
