भारतीयांनी केलेला कचरा परदेशी पर्यटकाने उचलला; धबधब्यावरील ‘तो’ व्हिडीओ लज्जास्पद, प्रेक्षकांचा संताप

Foreigner Picking Garbage in Himachal : सर्वत्र पावसाने दमदार हजेरी लावली आहे. आणि मुसळधार पावसाचा मनमुराद आनंद लुटण्यासाठी ही मंडळी आता पर्यटन स्थळांवर गर्दी करु लागली आहेत. विशेषतः निसर्गरम्य ठिकाणी म्हणजे नदी, समुद्र, डोंगर, किल्ले, धबधबे या ठिकाणी ही मंडळी फिरण्यासाठी गर्दी करताना दिसत आहेत. अशावेळी अनेक पर्यटक या ठिकाणी येत कचरा करून जातात. आपण केलेला कचरा उचलण्याबाबत ते कोणतेही तसदी घेत नाहीत. भारतात बरेचदा विदेशी पर्यटक फिरायला आलेले असतात. मग त्यांच्यासमोर आपल्या देशाची अशी शोभा मांडणं योग्य आहे का?

या सगळ्यात धबधब्याजवळील एक व्हिडीओ सोशल मीडियावर तुफान व्हायरल होत आहे. या व्हिडीओमध्ये आपण भारतीयांनी धबधब्यावर केलेला कचरा एक परदेशी पर्यटक उचलताना दिसत आहे. या व्हिडीओत एका विदेशी पर्यटकाने केलेली ही कृती प्रत्येक भारतीयाला लाजवणारी आहे. पर्यटनस्थळी, नैसर्गिक ठिकाणी वा गड किल्ल्यांवर कचरा करणे किती चुकीचे आहे याची प्रत्येकाला जाण असायला हवी. हिमाचल प्रदेश मधील कांगडा या धबधब्याजवळील हा व्हिडीओ आहे.

आणखी वाचा –घोडबंदर रोडची वाईट अवस्था, सुप्रसिद्ध मराठी अभिनेत्री प्रवास करताना भडकली, रात्रीचं शूट करुन दोन तासाने घरी पोहोचली अन्…

Shameful a foreign tourist is more concerned about nature’s beauty while local tourists keep shamelessly littering such stunning places. No govt or administration is to be blamed — it’s the people who need to change if we ever want a clean country. Video from Kangra, Himachal. pic.twitter.com/AbZfcG28G8

— Nikhil saini (@iNikhilsaini) July 24, 2025

या ठिकाणी एक पर्यटक धबधब्याजवळील पसरलेले प्लास्टिक रॅपर आणि कचरा उचलून कचऱ्याच्या डब्यात फेकताना दिसत आहे. भारतीयांनी केलेला कचरा परदेशी पाहून उचलताना दिसत आहे. आणि त्याचे सोशल मीडियावर भरभरुन कौतुक होताना दिसत आहे. भारतीयांनी ही चूक केली आणि ती त्यांनीच उचलायला हवी होती त्याऐवजी त्या पर्यटकाने उचलली. व्हिडीओ पाहून देशभरातून अनेक संतप्त प्रतिक्रिया येत आहेत. व्हिडीओमध्ये तो पर्यटक असं म्हणत आहे की, “मी दररोज इथे बसून लोकांना कचरा उचलण्यास आणि स्वच्छता ठेवण्यास सांगत आहे”.

आणखी वाचा – “जन्मभूमी बिहार, जिल्हा भोजपुरी…”, परप्रांतीय तरुणाने जिंकली महाराष्ट्रीयांची मनं, म्हणाला, “भारताचा इतिहास मराठ्यांशिवाय…”

हा व्हिडीओ @iNikhilsaini नावाच्या एका इन्स्टाग्राम युजरने शेअर केला आहे. जो आतापर्यंत लाखो लोकांनी पाहिला आणि त्यावर कमेंट्स केल्या. एकाने लिहिले, “एक परदेशी पर्यटक तिथे स्वच्छता करतोय आणि आपलेच लोक घाण पसरवतायत ही फार लज्जास्पद गोष्ट आहे. जर आपल्याला स्वच्छ देश हवा असेल, तर लोकांना त्यांच्या सवयी बदलाव्या लागतील”.