zakir khan big announcement : झाकीर खान एक प्रसिद्ध कॉमेडियन आणि अभिनेता आहे. लोकांना त्याला पाहायला आणि ऐकायला आवडते. पण आता त्याने अशी बातमी दिली आहे, ज्यामुळे चाहत्यांना खूप मोठा धक्का बसला आहे. त्याने जाहीर केले आहे की, तो आपल्या दौर्यावरुन आणि स्टेजपासून ब्रेक घेत आहे. त्याने ही माहिती सोशल मीडियावर स्टोरी पोस्ट करत दिली आहे. यामागील कारण देखील त्याने उघड झाले आहे. त्याने कामापासून अंतर ठेवण्याचा निर्णय का घेतला याबाबत झाकीर खानने स्पष्टपणे भाष्य केलं आहे. झाकीर खानने इन्स्टाग्रामवर ‘हेल्थ अपडेट’ शेअर केली आहे.
३८ वर्षीय या कॉमेडियनने पोस्टद्वारे असं नोंदवले की सतत स्टेज शो आणि व्यस्त वेळापत्रकांमुळे त्याच्या आरोग्यावर परिणाम झाला आहे. त्याला एका वर्षापेक्षा जास्त काळ अस्वस्थ वाटत होते, परंतु व्यावसायिक वचनबद्धतेमुळे तो सतत काम करत राहिला. मात्र आता सततच्या कामामुळे त्याला आरोग्याशी निगडित अनेक समस्यांचा सामना करावा लागत आहे. यादरम्यान अभिनेत्याने मोठा ब्रेक घेण्याचं ठरवलं आहे.
आणखी वाचा – “आनंद कमी आणि…”, सुप्रसिद्ध अभिनेत्रीचं मालिकेतील वातावरणाबाबत धक्कादायक वक्तव्य, म्हणाली, “इतकं रोबोटिक…”
त्यानं सोशल मीडियावर स्टोरी पोस्ट करत लिहिले, “मी १० वर्षांपासून सतत दौरे करीत आहे. मला तुमचं प्रेम आणि आपुलकी मिळाली, हे माझं भाग्यच आहे. पण इतके दौरे करणं आरोग्यासाठी चांगलं नाही. लोकांचं मनोरंजन करण्याचा प्रयत्न, दिवसाला २-३ शो, रात्री झोप नसणं, सकाळी लवकर विमानाने प्रवास आणि जेवणाच्या अनियमित वेळा यांमुळे एक वर्षापासून माझं आरोग्य बिघडले आहे. तरीही कामाची गरज असल्यामुळे मी काम करीत राहिलो”.
झाकीरनं कबूल केलं की, त्याला लाइव्ह परफॉर्म करायला आवडत असलं तरी व्यस्त शेड्युलपेक्षा त्याच्या आरोग्याला प्राधान्य देणं आवश्यक आहे. तो पुढे म्हणाला, “मला स्टेजवर राहायला आवडतं; पण आता मला ब्रेक घ्यावा लागेल. माझं मन नाही आहे हे करायचं. खरंतर, मी ते एक वर्षापासून पुढे ढकलत होतो; पण आता मला वाटतं की, गोष्टी हाताबाहेर जाण्यापूर्वी मी ते सांभाळले पाहिजे. म्हणून यावेळी मी भारतातील मर्यादित शहरांचाच दौरा करीन. मी जास्त शो करु शकणार नाही आणि हा खास रेकॉर्ड केल्यानंतर मला दीर्घ ब्रेक घेण्याचा सल्ला देण्यात आला आहे”.
