Bharti Singh Health : प्रसिद्ध कॉमेडियन भारती सिंह ही तिच्या यूट्यूब व्लॉगद्वारे नेहमीच प्रेक्षकांच्या संपर्कात असते. बरेचदा ती तिच्या यूट्यूब व्लॉगद्वारे चाहत्यांना तिच्या दैनंदिन जीवनातील घडामोडी सांगताना दिसते. अशातच, भारतीने अलीकडेच एक नवीन व्हिडीओ अपलोड केला आहे ज्यामध्ये ती आजारी असल्याचं दिसत आहे. व्लॉगमध्ये भारतीने असे सांगितले आहे की, तिला ताप आला आहे आणि ती सध्या तापाने झगडत आहे. सतत ताप असल्याने तिला बरं वाटत नाही आहे. भारती हिने व्हिडीओमध्ये असं म्हटले आहे की, “जेव्हा मी बँकॉकहून परत आले तेव्हापासून मला कंटाळवाणे व अस्वस्थ वाटत आहे. म्हणून कठोर निर्णय घेतला की मी माझी रक्त चाचणी करुन घ्यावी”.
भरतीच्या समोर आलेल्या या व्हिडीओमध्ये, भारती सिंह भावनिक झालेली दिसत आहे. कारण ती अस्वस्थ होती आणि तिच्या मनात तिने इंजेक्शन्सची भीती बाळगली होती. तरीही तब्येतीसाठी तिने रक्त तपासणी करण्याचा निर्णय घेतला. दरम्यान, कठोर, परिस्थितीचा फायदा घेत आपल्या मुलालाही तिने विनोदी पद्धतीने चेतावणी देत म्हटलं की, जर त्याने जास्त चॉकलेट खाल्ले तर त्याला इंजेक्शन देखील दिले जाऊ शकते.
आणखी वाचा – ज्येष्ठ अभिनेत्याच्या अश्लील मॅसेज प्रकरणी प्राची पिसाटचा युटर्न?, नेटकरीही संभ्रमात, म्हणाली, “चुकीचे…”
भारती सिंगच्या तब्येतीत बिगाड
तिच्या व्हीलॉगमध्ये भारतीने तिच्या प्रेक्षकांना नियमित रक्त तपासणी करण्याची आणि संपूर्ण शरीराची तपासणी करण्याची सूचना केली आहे. तिने सांगितले की, ती स्वत: दुसर्‍या दिवशी संपूर्ण आरोग्य तपासणी करेल. भारती यांनी प्रत्येकाला तिच्या आरोग्यास प्राधान्य देण्यास प्रोत्साहित केले आहे. त्याच वेळी, तिच्या चाहत्यांनी कमेंट बॉक्समध्ये करोनाची चाचणी करुन घेण्यासही सांगितले आहे.
भारतीच्या तब्येतीत सुधारणा
भारती म्हणाली की, तिने आधीपासूनच आपला नित्यक्रम ७०% सुधारला आहे आणि सतत तिच्या ध्येयाकडे जात आहे. तिच्या दैनंदिन सवयींबद्दल आणखी स्पष्टीकरण देताना तिने सांगितले की, त्यांनी आता रात्री झोपण्याची वेळही निश्चित केली आहे. ती आणि लेक गोला रात्री १०.३० वाजता झोपी जातात. संध्याकाळपर्यंत भारतीला पुन्हा ताप आला तेव्हा हर्षने तिला शांत करण्याचा प्रयत्न केला. भारतीच्या घरगुती सहाय्यकांनी भारतीसाठी मोरिंगा सूप बनवलं कारण ती अस्वस्थ होती.
