मराठी सिनेसृष्टीतील अनेक कलाकार मंडळी या नव्या वर्षात चाहत्यांसह गुडन्यूज शेअर करताना दिसत आहेत. काहींनी नवीन घर घेतलं असल्याची, तर काहींनी नवी गाडी घेतल्याची, तर काहींनी नवा उपक्रम केला असल्याचं सांगितलं. अशातच एका मराठमोळ्या अभिनेत्याने चाहत्यांसह एक गुडन्यूज शेअर केली आहे. नववर्षाचं व स्वतःच्या वाढदिवसाचं औचित्य साधत या मराठमोळ्या कलाकाराने आनंदाची बातमी सोशल मीडियावरुन चाहत्यांसह शेअर केली. (Akshay Tanksale New Car)
नवी कोरी गाडी घेतली असल्याची गुडन्यूज अभिनेता अक्षय टंकसाळे याने त्यांच्या इन्स्टाग्राम अकाउंटवरुन चाहत्यांसह शेअर केली आहे. “माझ्याकडून मलाच वाढदिवसाची भेट. आवडली, घेतली. तुम्ही सर्वांनी दिलेल्या पाठिंब्याबद्दल आभार आणि खूप प्रेम” असं कॅप्शन देत अक्षयने नव्या गाडीबरोबरचा फोटो पोस्ट केला आहे. या फोटोमध्ये अक्षयचे आई -बाबा ही गाडीजवळ उभे असलेले पाहायला मिळत आहेत. अक्षयने त्याच्या वाढदिवसानिमित्त ही आलिशान गाडी खरेदी केली आहे.
अक्षयच्या या पोस्टवर कलाकार मंडळींसह त्याच्या अनेक चाहत्यांनीही त्याच्यावर शुभेच्छांचा वर्षाव केला आहे. अभिजित खांडकेकर, सिद्धार्थ मेनन, रितिका श्रोत्री, पूर्वा राजेंद्र या कलाकारांनी अक्षयच्या या पोस्टवर कमेंट करत शुभेच्छा दिल्या आहेत. तर अनेकांनी त्याच्या या पोस्टला लाईक केलेलं पाहायला मिळत आहे.
‘दिल दोस्ती दुनियादारी’, ‘बस्ता’, ‘सातारचा सलमान’, ‘चौक’, ‘पिल्लू बॅचलर’ यांसारख्या अनेक चित्रपटांमधून महत्तवपूर्ण भूमिका साकारत प्रेक्षकांची मन जिंकली. विनोदी, हलकी-फुलकी, रावडी भूमिका साकारत आजवर अक्षयने प्रेक्षकांच्या मनावर राज्य केलं.
