सिनेसृष्टीत मैत्रीची बरीच उदाहरणे दिली जातात. अशीच एक सध्या लोकप्रिय मित्रांची जोडी म्हणजे चला हवा येऊ द्या कार्यक्रमातील अभिनेता कुशल बद्रिके व अभिनेत्री भाऊ कदम. विनोदी कार्यक्रमाचे हे दोन्ही खरे चेहरे प्रेक्षकांना कायमच भुरळ घालतात. पडद्यावर तर त्यांची मैत्री आपण नेहमीच पाहतो आणि प्रेक्षकांच्या ती पसंतीसही पडते, मात्र पडद्यामागे म्हणजेच खऱ्या आयुष्यातही त्यांची ही मैत्री तितकीच घट्ट असलेली पाहायला मिळते. खऱ्या आयुष्यात या दोन मित्रांचं मैत्रीचं बॉण्डिंग घट्ट असलेलं पाहायला मिळतं. त्यांच्या मैत्रीचा एक व्हिडीओ नुकताच कुशलने त्याच्या इन्स्टाग्राम अकाऊंटवरून शेअर केला आहे. (Kushal Badrike and Bhau Kadam Funny Video)
‘चला हवा येऊ द्या’ कार्यक्रमाचं पॅकअप झाल्यानंतर रात्री एकत्र घरी जातानाचा एक व्हिडीओ त्यांनी शेअर केला आहे. हा व्हिडीओ यासाठी खास आहे कारण या व्हिडिओमध्ये शेरो शायरीची मैफिल रंगलेली पाहायला मिळतेय. व्हिडिओत असं पाहायला मिळतंय की, भाऊ कदम कुशलला शेर म्हणायला सांगतोय, तेव्हा कुशल शेर म्हणत बोलतो, यावर कुशल गुर्जर साहेबांचा शेर बोलतो, “ये दुनिया बडी जालीम है, हर राज छुपाना पडता है, दिलं में कितना भी गम हो, मैफिल में मुस्कुराना पडता हैं” कुशलने घेतलेला हा शेर ऐकल्यावर भाऊ कदमने समोरच्या टेम्पोवर लिहिलेला हा शेर दाखवला आणि कुशलची पोलखोल केली.
आणखी वाचा – Video : आईच्या आठवणीमध्ये अभिनेता अजिंक्य देव भावुक, म्हणाला, “भरभरुन प्रेम देणारी माय…”
कुशलने हा गमतीशीर व्हिडीओ शेअर केला असून, त्याखाली कॅप्शन देत म्हटलं आहे की, “भाऊ कदम आणि मी बऱ्याचदा आमच्या दोघांचीच मैफल रंगते. तशी आमच्या मैत्रीला बरीच वर्ष झाली पण आजही आमचा प्रवास एकत्रच होतो. रात्री तीन, चार वाजता पॅकअप करुन निघाल्यानंतर प्रवासात भाऊ व माझी मैफिल सुरू होते. सोबतीला कधी गुलाम अली साहेब, मेहदी हसन साहेब, कधी पंकज उदास, कधी जगजीत सिंगजी, कधी हरिहरन, कधी लता ताई, कधी साब्री ब्रदर्स अशी असंख्य दिग्गज आमच्या सोबत गाडीत असतात. काल मात्र रात्री साडेचार वाजता “शेरो-शायरी” ची बैठक बसली “वीर गुर्जर” साहेबांसह त्याची ही छोटीशी झलक.
भाऊ कदम व कुशलच्या या व्हिडिओला प्रेक्षकांची पसंती मिळाली आहे. शिवाय अनेक कलाकार मंडळींनी त्यांच्या या व्हिडिओवर हार्ट ईमोजी शेअर केली आहे.
