Rashmika Vijay Wedding : रश्मिका मंदान्ना आणि विजय देवरकोंडा आता गर्लफ्रेंड आणि बॉयफ्रेंड राहिले नाहीत. आता दोघेही पती-पत्नी झाले आहेत. अनेक वर्षांच्या प्रेमानंतर आता या जोडप्याचा नवा पर्व सुरु झाला आहे. वर्षानुवर्षे एकमेकांना डेट केल्यानंतर रश्मिका मंदान्ना आणि विजय देवरकोंडा यांनी गुरुवारी लग्न केले. कोलाहलापासून दूर उदयपूरच्या रॉयल वेडिंग फंक्शनमध्ये दोघांनी लग्नगाठ बांधली. रश्मिका मंदान्ना आणि विजय देवरकोंडा आज दोनदा लग्न करणार आहेत. विजयच्या बाजूने तेलुगू रितीरिवाजानुसार लग्न झाले आहे आणि रश्मिकाच्या बाजूने कोडावा समारंभ काही वेळांतच पार पडेल. सध्या रश्मिका आणि विजय यांचे तेलुगू रितीरिवाजानुसार लग्न पार पडले आहे.
व्यापार विश्लेषक श्रीधर पिल्लई यांनी X हँडलवर रश्मिका आणि विजयच्या लग्नाशी संबंधित अपडेट शेअर केले आहेत. त्यांनी लिहिले, “अखेर विजयने आज सकाळी १०.१० वाजता रश्मिकासोबत लग्न केले. तुम्हा दोघांचे खूप खूप अभिनंदन”. लग्नानंतर, त्यांच्या कुटुंबीयांनी लग्नाच्या ठिकाणाबाहेर पापाराझींना मिठाईचे वाटप केले. तेलगू रितीरिवाजांनंतर आता रश्मिका मंदान्ना कोडावा रितीरिवाजानुसार लग्न करणार आहे. हा सूर्यास्त विवाह आहे जो दुपारी चार वाजता होणार आहे.
आणखी वाचा – “बिल भरलं नाहीतर कनेक्शन कट”, मराठी अभिनेत्याची फसवणूक, पत्नीला फ्रॉड कॉल आला आणि…
सध्या नवविवाहित वधूच्या लग्नाची झलक अद्याप समोर आलेली नाही. चाहते त्यांच्या लग्नाच्या फोटोंची आतुरतेने वाट पाहत आहेत. रश्मिका मंदान्ना आणि विजय देवरकोंडा यांच्या लग्नाचे विधी चार दिवस आधीच सुरु झाले होते. स्पोर्ट्स गेमने सुरु झालेला विवाह सोहळा हळदी आणि संगीताने संपला. संध्याकाळी लग्नानंतर दोघांची ग्रँड रिसेप्शन पार्टी आयोजित केली जाईल.
