salman khan performs aarti ganesh chaturthi : बॉलिवूडमध्ये बरीच मुस्लिम कुटुंबे आहेत, जी गणेशोत्सवच्या उत्सवात मोठ्या प्रमाणात भाग घेतात. असेच एक कुटुंब सलमान खानचे आहे, जे गणपतीची स्थापना करतात आणि दरवर्षी पूर्ण भक्तीने त्याची उपासना करतात. यावेळी, असा एक व्हिडीओ सोशल मीडियावर बरीच मन जिंकत आहे, ज्यामध्ये सलमान खानचे संपूर्ण कुटुंब गणपती बप्पाची उपासना करताना दिसत आहे. दरवर्षीप्रमाणेच, यावेळी खान कुटुंबही त्यांचे जवळचे मित्र यांच्यासह भगवान गणेशाची उपासना करण्यासाठी जमले आणि त्यांनी ही परंपरा जपली.
सलमान आणि त्याचे कुटुंब अनेक वर्षांपासून हा उत्सव साजरा करीत आहेत. गणेश चतुर्थीच्या निमित्ताने घराची सर्वात लहान मुलगी अर्पिता खानच्या घरी सलमान खान आणि त्याचे कुटुंबातील सर्व लोक जमले. या उत्सवाचा एक व्हिडीओ सोशल मीडियावर समोर आला आहे, ज्यात भटजी गणपतीची आरती करत असल्याचे दिसत आहे आणि घरातील सर्व लोक एकामागोमाग एक येत गणपतीची आरास करताना दिसत आहेत.
सलमान खान ते अरबाझ आणि त्याचे पालक सलीम आणि सलमा खान या व्यतिरिक्त, सर्व भावंडे आणि जवळचे मित्र या गणरायाच्या पूजेसाठी, आरतीसाठी दिसले आणि या उत्साहाने त्यांनी विश्वास, प्रेम आणि कौटुंबिक एकतेची झलक दर्शविली. या कुटुंबाने पुन्हा एकदा आरती करत भगवान गणेशाची उपासना केली. अर्पिताचे घर आणि बाप्पाचे मंडप अगदी चमकदार फुलांनी अतिशय सुंदर सजावट केले होते. व्हिडीओमध्ये बप्पाचे सुंदर दृश्य कॅप्चर केले आहे. खान कुटुंबाच्या गणपती उत्सवाचे व्हिडीओ पाहता चाहत्यांनी त्यांची भक्ती आणि ऐक्य याचे कौतुक केले आहे.
काही लोकांनी या व्हिडीओवर त्यांची प्रतिक्रिया दिली आहे. जिथे बर्याच लोकांनी उत्सवात उपस्थित राहिल्याबद्दल कुटुंबाचे कौतुक केले आहे, परंतु असे बरेच लोक आहेत जे रागावले आहेत. एकाने म्हटले आहे की, “हे सर्व मुस्लिमांच्या नावाखाली असलेले कलंक आहेत”. तर आणखी एक म्हणाला, “फक्त नावासाठी तुम्ही मुस्लिम आहात असं म्हणता का?”. तर आणखी एकजण म्हणाला, “आरती करताना चेहऱ्यावर कोणतेही भाव नाहीत”. तर आणखी एकाने म्हटले, “ते मुस्लिम नाहीत”. तर एकाने म्हटले, “जर त्यांनी अशी नाटकं केली नाहीत तर दुकान कसे चालेल”.
