बॉलिवूड सुपरस्टार शाहरुख खानचा ‘जवान’ चित्रपट एकापाठोपाठ एक रेकॉर्ड मोडत आहे. या चित्रपटाचं आतापर्यंत एकूण बॉक्स ऑफिस कलेक्शन ३१६ कोटी रुपये इतके आहे. त्याबरोबर २०२३ मधील ३०० कोटींच्या पल्ला गाठणारा हा तिसरा चित्रपट ठरला आहे. याअगोदर हे विक्रम शाहरुखच्याच ‘पठाण’ चित्रपटाने तर सनी देओलच्या ‘गदर २’ चित्रपटांनी आपल्या नावावर केले होते. किंग खानच्या या चित्रपटाला प्रेक्षकांचा उस्फुर्त प्रतिसाद मिळत आहे. कमाईच्या आकड्यांवरून तर चित्रपट प्रेक्षकांच्या बराच पसंतीस पडत असल्याचं दिसून येत आहे. चित्रपटाने बॉक्स ऑफिसवर सोमवारी केलेल्या कलेक्शनची आकडेवारी समोर आली आहे. (Jawan box office collection on monday)
‘जवान’ चित्रपटाने अवघ्या चार दिवसात इतर चित्रपटांना मागे टाकत बरीच कमाई केली आहे. अजूनही सिनेमागृहात चित्रपट पहायला प्रेक्षकांची गर्दी दिसून येत आहे. रविवारी रद्द झालेला भारत-पाकिस्तानचा सामना सोमवारी खेळवला गेला. पण तरीही या दोन दिवसांतही सिनेमागृहात चित्रपट पाहण्यासाठी प्रेक्षकांची बरीच गर्दी पहायला मिळाली. या चित्रपटाने अनेक चित्रपटांचे विक्रम मोडले आहे.
रविवारच्या दिवशी ८०.१ कोटी रुपयांचा गल्ला जमवला. ज्यात सर्वाधिक ७१.६३ कोटी रुपयांचं कलेक्शन हिंदी भाषेत, ५ कोटी तामिळ भाषेत तर ३.४७ कोटी तेलुगू भाषेत कमाई केली. नुकतीच जवानची सोमवारचीही आकडेवारी समोर आली आहे.
जवान चित्रपटाने प्रदर्शित झाल्यानंतर पहिल्या सोमवारी पाचव्या दिवशी तब्बल ३० कोटी रुपयांची कमाई केली आहे. याबरोबरच जवानचं एकून पाच दिवसांचं कलेक्शन ३१६.१६ कोटी रुपये इतक झालं आहे. अवघ्या ५ दिवसात ३०० कोटींचा टप्पा गाठत २०२३मध्ये ३०० कोटींचा टप्पा गाठणाऱ्या चित्रपटांच्या यादीत आपलं नाव नोंदवलं आहे.
२०२३ मध्ये यापुर्वी ‘गदर २’ चित्रपटाने हा टप्पा गाठला होता. ‘जवान’ चित्रपटाने आतापर्यंत बरेच रेकॉर्ड मोडलेत पण तरीही तो ‘गदर २’ चित्रपटाचं रेकॉर्ड तोडू शकला नाही. ‘जवान’ने जरी चांगलीच कमाई केली असली तरीही पहिल्या सोमवारी सर्वाधिक कमाई करणाऱ्या ‘गदर-२’ चित्रपटाचं रेकॉर्ड मोडू शकला नाही. ‘गदर २’ने पहिल्या सोमवारी ३८.७ कोटी रुपयांची कमाई केली होती. पण हे रेकॉर्ड तोडलं गेलेलं नाही. मात्र शाहरुखच्या ‘जवान’ चित्रपटाने स्वतःच्याच ‘पठाण’ चित्रपटाचे रेकॉर्ड तोडलं आहे. पहिल्या सोमवारी ‘पठाण’चं कलेक्शन २६.५ रुपये इतकं होतं.