मेगास्टार अमिताभ बच्चन यांनी त्यांच्या मुंबईतील जलसा या बंगल्याचे अनेक फोटो याआधीही शेअर केले आहेत. अशातच अमिताभ यांनी त्यांच्या ब्लॉगवर जलसामधील मंदिराची एक झलक दर्शवणारी काही छायाचित्रे त्यांनी पोस्ट केली आहेत. अमिताभ यांनी ट्विटरवर काही फोटो पोस्ट केले आहेत. या फोटोंसह त्यांनी ‘T4918 श्रद्धा (लाल ध्वज इमोजी) शिवजींना दूध अर्पण आणि तुळशीला जल अर्पण’ असं लिहिलं आहे. (Amitabh Bachchan Home)
अमिताभ यांनी ब्लॉगवर पोस्ट केलेल्या फोटोमध्ये मंदिराच्या आत देव-देवतांच्या अनेक पांढऱ्या संगमरवरी मूर्ती पाहायला मिळत होत्या. ताज्या फुलांच्या हाराने हे मंदिर सजवण्यात आलं होतं. पांढऱ्या संगमरवरी स्टँडवर काळे शिवलिंगही ठेवले होते. शिवाय मंदिराच्या छताला सोन्याच्या घंटाही पाहायला मिळाल्या. अमिताभ बच्चन यांनी त्यांच्या ‘जलसा’ या घरामध्ये रामाचे सुंदर मंदिर बांधले आहे. हे पाहून चाहत्यांमध्येही उत्साह पाहायला मिळाला.
T 4918 – आस्था ????????
— Amitabh Bachchan (@SrBachchan) February 12, 2024
दुग्ध अर्पण शिव जी पे, और जल अर्पण तुलसी पे pic.twitter.com/W6Y0vW1E4k
काही फोटोंमध्ये अमिताभ बच्चन शिवलिंगावर दूध अर्पण करताना दिसत होते. तसेच बागेतील तुळशीच्या रोपालाही त्यांनी पाणी अर्पण केले. अनवाणी पायांनी त्यांनी ही भक्तीसेवा केलेली पाहायला मिळाली. रविवारी अमिताभ बच्चन यांनी त्यांच्या ब्लॉगवर अनेक छायाचित्रे पोस्ट केली. अभिनेत्याला पाहण्यासाठी रविवारी त्याच्या घराबाहेर मोठ्या संख्येने चाहते जमले होते. ४१ वर्षांहून अधिक काळ अमिताभ त्यांच्या चाहत्यांना घराबाहेर भेट देत असतात.
अमिताभ यांनी त्यांच्या घराबाहेर थांबलेल्या चाहत्यांना हात दाखवत त्यांची भेट घेतली. रविवारी त्यांचा मुलगा अभिषेक बच्चनही त्याचवेळी बाल्कनीत उभा असलेला दिसला. याआधी, अमिताभ यांनी त्यांच्या ब्लॉगमध्ये शेअर केले होते की, त्यांच्या चाहत्यांना भेटण्यापूर्वी ते नेहमीच बूट काढतात. चाहत्यांची भेट हे ते भक्ती मानतात. चाहत्यांची न थोपवणारी गर्दी नेहमीच अमिताभ यांच्या जलसा बाहेर असलेली पाहायला मिळते. जगभरात अमिताभ बच्चन यांचे लाखो आहेत.