बॉलिवूडचे महानायक अमिताभ बच्चन आज आपला ८१वा वाढदिवस साजरा करत आहेत. गेल्या पाच दशकांहून अधिक काळ त्यांनी आपल्या अभिनयातून प्रेक्षकांचे मनोरंजन केले आहेत. त्यांचा जगभरात मोठा चाहतावर्ग आहे. दरवर्षी त्यांच्या वाढदिवसानिमित्त त्यांचे चाहते त्यांना शुभेच्छा देण्यासाठी जुहू येथील जलसा बंगल्याबाहेर मोठी गर्दी करतात. तेदेखील मध्यरात्री चाहत्यांच्या शुभेच्छा स्वीकारण्यासाठी नेहमी त्यांच्या बंगल्याबाहेर येतात. (Amitabh Bachchan Birthday)
अमिताभ यांनी यंदाही प्रथेप्रमाणे त्यांच्या चाहत्यांची भेट घेऊन आपल्या वाढदिवसाची सुरुवात केली. यावेळी बॉलिवूडच्या महानायकाची एक झलक पाहण्यासाठी चाहत्यांनी मोठी गर्दी केली होती. काही चाहते अमिताभ यांना शुभेच्छा देण्यासाठी त्यांच्या चित्रपटातील वेशभूषा करून आले होते. तर काही चाहत्यांनी त्यांच्यासाठी केक व गुलाबपुष्प घेऊन आले होते. मध्यरात्री बारा वाजेच्या सुमारास जुहू येथील जलसा बंगल्याबाहेर चाहत्यांकडून केक कापण्यात आला.
हे देखील वाचा – Video : ‘तू चाल पुढं’मधल्या शिल्पीचं नवीन घर आतून कसं आहे?, व्हिडीओ शेअर करत म्हणाली, “सगळे पैसे संपले म्हणून…”
त्यानंतर अमिताभ हे बंगल्याबाहेर आले आणि त्यांनी हात जोडून, चाहत्यांची भेट घेतली व त्यांच्या शुभेच्छांचा स्वीकार केला. यावेळी महानायकाला पाहताच चाहत्यांच्या चेहऱ्यावरील आनंद पाहण्यासारखा होता. या भेटीचे अनेक व्हिडिओज व फोटोज सोशल मीडियावर जोरदार व्हायरल झाले आहेत.