माधुरी दीक्षित हे हिंदी मनोरंजन सृष्टीतील एक आघाडीचे नाव आहे. १९९४ साली तिने ‘अबोध’ या चित्रपटातून मनोरंजन विश्वात पाऊल ठेवले. त्यानंतर ती ‘खलनायक’, ‘हम आपके है कौन?’, ‘देवदास’, ‘दिल तो पागल है’, या चित्रपटांमध्ये महत्त्वपूर्ण भूमिकांमध्ये दिसून आली. चित्रपटांनंतर तिने आपला मोर्चा टेलिव्हिजनकडे वळवला. सध्या ती ‘डान्स दिवाने’ या कार्यक्रमाचे परिक्षण करताना दिसत आहे. येत्या १५ मे रोजी माधुरीचा वाढदिवस आहे. ती आता ५७ व्या वर्षात पदार्पण करणार आहे. पण त्या आधीच तिला शोच्या सेटवर एक सरप्राइज मिळाले आहे. (madhuri dixit and shriram nene dance)
सध्या माधुरी ‘डान्स दिवाने’ या कार्यक्रमाची परिक्षक आहे. या कार्यक्रमाचा एक प्रोमो नुकताच प्रदर्शित करण्यात आला आहे. यामध्ये माधुरीचे पती श्रीराम नेनेदेखील दिसून येत आहेत. कार्यक्रमाची सूत्रसंचालिका भारती सिंह श्रीराम यांचे स्वागत करत आहे. दोघांनीही स्टेजवर येताना पाहून माधुरी आश्चर्यचकित होताना दिसत आहे. त्यानंतर माधुरीने हे तिच्यासाठी मोठं सरप्राइज असल्याचेही सांगितले. या जोडीने नंतर ‘तुमसे मिलके’ या गाण्यावर डान्स करतानाही दिसत आहेत.तसेच कार्यक्रमामध्ये दाखल झाल्यानंतर श्रीराम व माधुरी दोघांनाही खूप आनंद झाला होता.
१५ मे रोजी माधुरीचा ५७ वा वाढदिवस आहे. तिच्या वाढदिवसाच्या निमित्ताने ‘डान्स दिवाने’च्या निर्मात्यांनी सरप्राइज आयोजित केले होते. बर्थडे स्पेशल एपिसोडमध्ये श्रीराम यांच्याबरोबर त्यांचा पाळीव श्वानाला देखील आणले. ती लगेचच आपल्या पतीकडे गेली आणि आणि नंतर श्वानाकडे वळली. हा व्हिडीओ वाहिनीने शेअर केला असून त्यावर कॅप्शन लिहिले की, “माधुरीच्या बर्थडे स्पेशल एपिसोडच्या मंचावर आले तिचे पती, इथे झाले त्यांचे खास आदरातिथ्य”.
याआधी देखील माधुरी व श्रीराम हे एकत्र दिसून आले होते. ‘झलक दिखला जा’ या कार्यक्रमाच्या सहाव्या पर्वामध्ये श्रीराम आले होते. त्यावेळी श्रीराम यांना कॅमेरासमोर येण्याची भीती वाटते असे माधुरीने सांगितले होते.
