‘आई कुठे काय करते’ या मालिकेत एकामागोमाग एक रंजक वळण येताना पाहायला मिळत आहेत. मालिकेत सध्या अरुंधतीचा नवा प्रवास पाहायला मिळत आहे. अरुंधती देशमुखांच्या घरी राहायला आलेली पाहायला मिळत आहे. मात्र अरुंधतीचं देशमुखांच्या घरी राहणं संजनाला काही पटलेलं नाही. त्यामुळे ती अरुंधतीच्या मागे हात धुवून लागलेली असते. संजना अरुंधतीला बोलायची एकही संधी सोडत नाही. मात्र वेळोवेळी अरुंधतीही संजनाला उत्तर देताना दिसली आहे. इतकंच नव्हेतर संजना आरोहीच्या व इशाच्या मनातही अरुंधतीविषयी विष कालवण्याचा प्रयत्न करते. (Aai Kuthe Kay Karte Promo)
अशातच मालिकेचा नवा प्रोमो समोर आला आहे. या प्रोमोमध्ये संजना अरुंधतीला चांगलेच बोल लागवताना दिसत आहे. संजना अरुंधतीला सांगते, माझ्या काही मैत्रिणी आज घरी येणार आहेत. मी त्यांच्यासाठी छोटीशी पार्टी आयोजित केली आहे. तर अरुंधती मला पार्टीसाठी छान स्टार्टर्स बनवून देशील का प्लिज”, असं विचारते. यावर अरुंधती हो म्हणते. तितक्यात कांचन संजनाला टोकते आणि म्हणते, “एरव्ही अरुंधतीला घराबाहेर काढण्यासाठी टपलेली असतेस”, असं म्हणते.
यावर संजनाचा चेहरा पडतो. तर इकडे पार्टी सुरु असते, तेव्हा पार्टीत अप्पा काहीतरी खातात आणि जोरात ढेकर देतात. त्यावर संजनाची एक मैत्रीण अप्पांचा अनादर करते. ती अप्पांना म्हणते की, “काय फालतुगिरी आहे. आधी हावरटासारखं खायचं आणि मग सगळ्यांसमोर ढेकर द्यायचा”, असं भर पार्टीत म्हणते. यावर अरुंधती संजनाला सुनावते. अरुंधती संजनाला म्हणते, “हे आई आप्पांचं घर आहे संजना. आणि त्यांच्या घरी येऊन त्यांचा जर कोणी अपमान करत असेल तर ते मी सहन करणार नाही.
मृणाल ताईंनी आता आपल्या आप्पांची माफी मागावी”, असं म्हणत तिला सुनावते. हे ऐकून अरुंधतीचा पारा चढलेला असतो आणि ती संजनाच्या मैत्रिणीला चांगलेच सुनावते. आणि आप्पांची माफी मागायला सांगते. आता संजना तिच्या मैत्रिणीला माफी मागायला सांगणार का?, की उलट अरुंधतीला सुनावणार हे पाहणं मालिकेत रंजक ठरेल.