athiya shetty on asha bhosle : अभिनेत्री अथिया शेट्टीने दिग्गज गायिका आशा भोसले यांना श्रद्धांजली वाहताना एक चूक केली ज्यामुळे तिच्यावर सोशल मीडियावर बरीच टीका होत आहे. १२ एप्रिल रोजी सकाळी आशा भोसले यांचे निधन झाले. आशा भोसले यांच्या निधनाबद्दल देशातील सर्वसामान्यांपासून ते राजकीय व्यक्ती आणि सेलिब्रिटींनी शोक व्यक्त केला आणि त्यांना श्रद्धांजली वाहिली. अथिया शेट्टीनेही असेच केले, पण आशा भोसलेच्या फोटोऐवजी तिने तिची मोठी बहीण लता मंगेशकरचा फोटो शेअर केला. लता मंगेशकरही आता या जगात नाहीत. २०२२ मध्ये त्यांचे निधन झाले. या चुकीमुळे अथिया शेट्टीला बराच ट्रोलिंगचा सामना सहन करावा लागला. सोशल मीडियावर लोकांनी तिला चांगलंच ट्रोल केले.
आशा भोसले यांना श्रद्धांजली वाहताना अथियाने लता मंगेशकर यांचा फोटो इन्स्टाग्रामवर शेअर केला होता. मात्र, अथियाने ती पोस्ट लगेच डिलीट केली, मात्र तोपर्यंत त्याचे स्क्रीनशॉट्स सोशल मीडियावर व्हायरल झाले होते. यानंतर अथियाला X वर शिवीगाळ होऊ लागली. एकाने लिहिले, “अथिया शेट्टीला कोणी सांगू शकेल का की लताजींचे अनेक वर्षांपूर्वी निधन झाले आणि आज त्यांची बहीण आशा यांचे निधन झाले?” एका यूजरने ट्विट केले की, “अथिया शेट्टी सुंदर आहे, पण तिला मेंदूचा अभाव आहे.तिने तिच्या पोस्टमध्ये आशा भोसले यांच्या जागी दिवंगत लता मंगेशकर यांच्या फोटोला स्थान दिले. नेपो मुलांना कोणतीही मेहनत किंवा संघर्ष न करता कोणत्याही मार्गाने प्रसिद्ध व्हायचे असते आणि त्यामुळेच त्यांचे चित्रपट फ्लॉप होतात आणि त्यांच्याकडून अशा चुका होतात”.
आणखी वाचा – ‘इन आँखों की मस्ती’ पासून ‘दम मारो दम’ पर्यंत, आशा भोसले यांची ही १० गाणी आजही लोकप्रिय, वाचा गाण्यांची यादी
तर एकाने लिहिले, “आशा भोसले यांच्या निधनाच्या बातमीनंतर सुनील शेट्टी यांची मुलगी अथिया शेट्टीने चुकून आशा भोसले यांच्याऐवजी लता मंगेशकर यांचा फोटो पोस्ट केला. हे खरोखरच लाजिरवाणे आहे”. ११ एप्रिलच्या रात्री आशा भोसले यांना मुंबईतील ब्रीच कँडी रुग्णालयात दाखल करण्यात आले होते. त्यानंतर आशा ताईंना हृदयविकाराचा झटका आल्याच्या बातम्या आल्या होत्या, पण नात जनाई हिने ही बातमी खोटी असल्याचं पोस्टद्वारे सांगितलं आणि त्यांना छातीत जंतुसंसर्ग झाला असून त्या लवकरच बऱ्या होणार असल्याचे सांगितले होते. पण १२ एप्रिलला सकाळी आशा भोसले यांच्या निधनाची बातमी आली. तिच्यावर उपचार करणाऱ्या डॉक्टरांनी सांगितले की, आशा भोसले यांचा मृत्यू मल्टिपल ऑर्गन फेल्युअरमुळे झाला. त्यांना वैद्यकीय समस्या होती.
