बॉलिवूड अभिनेता सैफ अली खानची पूर्वपत्नी अमृता सिंह ही ८०-९० च्या दशकातील एक लोकप्रिय अभिनेत्री आहे. १९८३ मध्ये आलेल्या ‘बेताब’ या चित्रपटातून तिने बॉलिवूड विश्वात पदार्पण केले. यानंतर तिने अनेक चित्रपटांत काम करत प्रेक्षकांचे मनोरंजन केले. एक काळ गाजवल्यानंतर अभिनेत्री मनोरंजन क्षेत्रापासून दूर झाली. मात्र तरीही लाखोंच्या संपत्तीची मालकीण आहे. अभिनेत्रीकडे इतकी संपत्ती असण्याचे नेमकं गुपित काय?, जाणून घ्या…
अमृता सिंहच्या आईचे नाव रुक्साना सुलताना होते. त्या काँग्रेस पक्षाच्या नेत्या होत्या. त्यांचे वडील शिविंदर सिंह विर्क हे पंजाबी हिंदू होते. त्यांना तीन मुले होती. दोन मुली आणि एक मुलगा असं त्यांचं कुटुंब होतं असे म्हणतात की, त्यांची आई अतिशय श्रीमंत कुटुंबातील होती. घटस्फोटानंतर सैफ अली खानने अमृता सिंहला नुकसानभरपाई म्हणून तब्बल ५ कोटी रुपये मिळाले होते. याशिवाय तिला एक बंगलाही मिळाला होता. या बंगल्याची किंमतही करोडोंमध्ये आहे.
अमृता सिंहच्या मामाचं देहरादून याठिकाणी एक आलिशान घर आणि प्रचंड जमीन होती. त्यांना ते घर आणि ती जमीन विकायची होती. मात्र अमृताने त्याला विरोध केला. तिने ते घर आणि जमीन एका केअरटेकरला सांभाळायला दिलं आणि नंतर ते आपल्या नावे केलं. याविरोधात मावशीने कोर्टात खटलासुद्धा दाखल केला होता. मात्र अमृताने हा खटला जिंकला आणि आता ती त्या बागमळा व जमिनीमुळे तब्बल ५० कोटींच्या संपत्तीची मालकीण आहे.
सारा तिच्या एका चित्रपटासाठी जवळपास दोन ते तीन कोटी रुपये मानधन घेते. तर इब्राहिमसुद्धा सिनेसृष्टीत काम करण्यासाठी सज्ज झाला आहे. अमृताने सारासाठी मुंबईतील एका उच्चभ्रू परिसरात ऑफिस खरेदी केलं होतं. त्याचीही किंमत लाखो-करोडोंमध्ये असल्याचं म्हटलं जातं. अमृता सिंहने मुंबईत स्वतःचा फ्लॅट आणि फार्महाऊस खरेदी केले आहे. काही मीडिया रिपोर्ट्सनुसार, तिच्याकडे १.५ डॉलर दशलक्ष इतकी एकूण संपत्ती आहे.
अमृताने मुंबईतही स्वत:चा फ्लॅट खरेदी केला होता. तिचा एक फार्महाऊससुद्धा आहे. घटस्फोटानंतर मुलगा आणि मुलगी १८ वर्षांची होईपर्यंत सैफने अमृताला दर महिन्याला एक-एक लाख रुपये दिले होते. त्याचबरोबर अमृता सिंह जाहिरातींमधूनही बक्कळ कमाई करते कमावते. ती जाहिरातीसाठी २० लाख रुपये घेत असल्याची माहिती आहे.
