Akshay Kumar Car Accident: सिनेविश्वातून एक धक्कादायक बातमी समोर अली आहे. बॉलीवूड अभिनेता अक्षय कुमार याच्या गाडीचा भीषण अपघात झाला आहे. २० जानेवारी रोजी रात्री अभिनेता अक्षय कुमार शूटिंग संपवून घरी परतत असताना हा अपघात घडला. विमानतळावरून जुहू येथील आपल्या घरी जात असताना एका भरधाव वेगाने येणाऱ्या मर्सिडीजने एका रिक्षाला धडक दिली, ज्यामुळे ती रिक्षा अक्षय कुमारच्या सिक्योरिटी व्हॅनला येऊन धडकली. अपघातात जखमी झालेल्या रिक्षा चालकाला तातडीने रुग्णालयात दाखल करण्यात आले आहे.
जुहूच्या सिल्व्हर बीच कॅफेजवळ हे एकापाठोपाठ एक भयंकर अपघात झाले. या भीषण अपघातात सुदैवाने कोणीही मृत्युमुखी पडले नाही. चालक आणि प्रवासी सुरक्षा वाहनाखाली काही वेळासाठी अडकले होते,मात्र त्यातूनही त्यांना सुखरूप बाहेर काढण्यात आले. परिसरातील लोकांनी अक्षय कुमार आणि त्याच्या सुरक्षारक्षकांना कारमधून बाहेर येत गाडी खाली अडकलेल्या इतर नागरिकांना मदत करताना पाहिले. मिळालेल्या माहितीनुसार अपघातच्या घटनास्थळी हजर असलेल्या लोकांनी याबाबत माहिती दिली. त्यांनी सांगितले की वाहने थांबल्यामुळे गोंधळ उडाला आणि रिक्षाचे मोठ्या प्रमाणात नुकसान झाले. अक्षय आणि त्याची टीम रिक्षा उचलताना आणि ड्रायव्हर आणि प्रवाशाला सुरक्षितपणे बाहेर काढताना दिसली. तर सध्या याचा व्हिडिओ सोशल मीडियावर प्रचंड व्हायरल होत आहे, ज्यामध्ये अक्षय कुमारच्या सिक्योरिटी व्हॅनचा अपघात झाला आहे असं सांगण्यात येत आहे. हा अपघात किरकोळ होता आणि कारमध्ये बसलेले सर्वजण सुरक्षित आहेत, त्यांना गंभीर दुखापत झालेली नाही. (Akshay Kumar Car Accident)
तर या बातमीमुळे अक्षय कुमारचे चाहते चिंतेत आहेत. अपघाताचा एक व्हिडिओ ऑनलाइन व्हायरल होत आहे. व्हिडिओमध्ये गाडी उलटली झाल्याचे दिसून येत आहे आणि जवळून जाणारे लोक आत अडकलेल्यांना वाचवण्यासाठी धावपळ करत आहेत. अपघातानंतर मुंबई पोलीस लगेचच घटनास्थळी पोहोचले, त्यांनी परिस्थितीची जबाबदारी घेतली आणि तातडीने सर्व नियंत्रणात आणले. अक्षय कुमारने अद्याप अपघातावर कोणतीही प्रतिक्रिया दिलेली नाही. (Akshay Kumar Car Accident)
