बॉलिवूडमधील लोकप्रिय जोडी दीपिका पदुकोण व अभिनेता रणवीर सिंह हे सध्या खूप चर्चेत आहेत. काही महिन्यांपूर्वी दोघांनीही आई-वडील होणार असल्याचे चाहत्यांना सोशल मीडियाच्या माध्यमातून सांगितले होते. त्यानंतर दीपिका ‘सिंघम अगेन’ या चित्रपटाचे चित्रीकरण करतानाचे फोटोदेखील व्हायरल झाले होते. तसेच ती सध्या रणवीरबरोबर फिरतानाही दिसत आहे. यावेळी तिचे बेबी बंप दिसल्याने चाहत्यांमध्ये चर्चा झाली. पण सध्या तरी ही जोडी एका वेगळ्याच कारणामुळे चर्चेत आले आहेत. (ranveer singh instagram photo)
रणवीरच्या इन्स्टाग्राम अकाऊंटवरुन दीपिका व त्याच्या लग्नाचे सगळे फोटो डिलिट केले. हे फोटो डिलिट झाल्यानंतर दोघांच्याही चाहत्यांना धक्का बसला. तसेच दोघांमध्ये काहीतरी बिनसल्याचे म्हंटले जाऊ लागले. पण आता याबद्दल रणवीरच्या टीमने खुलासा केला आहे. त्यामुळे दीपिका व रणवीरच्या चाहत्यांना दिलासा मिळाला आहे. रणवीरच्या टीमने सांगितले की, “रणवीरने २०२३ सालातील सर्व पोस्ट हाइड करण्यात आल्या आहेत. त्यामुळे लग्नाचे फोटोदेखील हाइड झाले आहेत. त्यामुळे दोघांचे लग्नाचे फोटो पाहायला मिळणार नाहीत”.
टीमने केलेल्या खुलाश्यानंतर चर्चेचे वादळ कमी झाले आहे. दीपिकाने देखील तीन वर्षांपूर्वी आपले सगळे फोटो हाइड केले होते. तेव्हा देखील तिच्या वैयक्तिक आयुष्याबद्दल अनेक प्रश्न उपस्थित राहिले होते. परंतु असे करण्यामध्ये काहीतरी कारण असल्याचेही समोर आले होते.
रणवीर व दीपिकाने २०१८ साली इटली येथे लग्नबंधनात अडकले. खूप वर्षे एकमेकांना डेट केल्यानंतर त्यांनी अखेर लग्न करण्याचा निर्णय घेतला. यावेळी त्यांनी दाक्षिणात्य पद्धतीने व सिंधी पद्धतीने विवाह केला. लग्नाच्या पाच वर्षानंतर सप्टेंबर महिन्यात त्यांच्या घरी चिमूकल्याचे आगमन होणार आहे.
दोघांच्याही कामाबद्दल बोलायचे झाले तर प्रसिद्ध दिग्दर्शक रोहित शेट्टीच्या ‘सिंघम अगेन’ या चित्रपटामध्ये एकत्र काम करताना दिसणार आहेत. यामध्ये दीपिका लेडी पोलिस ऑफिसरच्या भूमिकेत पाहायला मिळणार आहे. या चित्रपटातील तिचा लूकदेखील प्रदर्शित करण्यात आला होता. तिच्या या लूकचे खूप कौतुक करण्यात आले होते.
