बॉलिवूड अभिनेते अनुपम खेर यांच्याबद्दल एक महत्त्वाची बातमी समोर येत आहे. अनुपम खेर यांच्या कार्यालयावर दोन चोरट्यांनी चोरी केली आहे. काल म्हणजेच बुधवार २० जून रोजी रात्री चोरट्यांनी अभिनेत्यांच्या कार्यालयाचे कुलूप तोडून आत प्रवेश केला. चोरट्यांनी अनुपम खेर यांच्या कार्यालयातून लाखो रुपयांची रोख रक्कम आणि काही मौल्यवान सामानही चोरून नेले आहे. या घटनेबद्दल स्वत: अनुपम खेर यांनी एक व्हिडीओ पोस्ट करून ही माहिती दिली आहे.
मुंबईतील अंधेरीमधील वीरा देसाई रोडवरील अनुपम खेर यांच्या कार्यालयात ही चोरी झाली. अभिनेत्याने चोरांविरोधात एफआयआरही दाखल केला आहे. चोरट्यांनी लाखो रुपयांच्या रोकडसह काही वस्तू आणि एका त्यांच्या चित्रपटाचे अनेक निगेटिव्ह साहित्य चोरून नेले आहे. चोरीच्या घटनेची माहिती देताना अनुपम खेर यांनी इन्स्टाग्राम व एक्स या दोन्ही सोशल मीडिया अकाऊंटद्वारे एक व्हिडीओही शेअर केला आहे.
अनुपम खेर यांनी चोरीच्या घटनेचा व्हिडीओ शेअर करत असं म्हटलं आहे की, “काल रात्री वीरा देसाई रोडवरील माझ्या ऑफिसमध्ये दोन चोरट्यांनी माझ्या ऑफिसचे दोन दरवाजे तोडले आणि लेखा विभागातील संपूर्ण तिजोरी (जे कदाचित ते फोडू शकले नाहीत) घेऊन गेले. तसेच आमच्या कंपनीने निर्मिती केलेल्या एका चित्रपटाची निगेटिव्हही चोरून घीऊं गेले आहेत”.
आणखी वाचा – नेत्राच्या बाळाला जीवे मारण्यात विरोचक यशस्वी होणार का? नेमका कुणाचा बळी जाणार? मालिकेला नवं वळण
यापुढे त्यांनी असं म्हटलं आहे की, “आम्ही या घटनेबद्दल चोरांविरोधात पोलिसांत एफआयआर दाखल केलं असून लवकरच चोर पकडले जातील असे आश्वासन पोलिसांनी दिले आहे. कारण सीसीटीव्ही कॅमेऱ्यात दोघेही सामानासह रिक्षामध्ये बसलेले दिसले आहेत. ईश्वर त्यांना सद्बुद्धी देवो. हा व्हिडिओ पोलिस येण्यापूर्वी माझ्या ऑफिसच्या लोकांनी बनवला होता”.
आणखी वाचा – ‘तारक मेहता…’मधून गोलीचाही काढता पाय, १६ वर्ष काम केल्यानंतर मालिका सोडण्याचा निर्णय कारण…
अनुपम खेर यांनी ETimes ला दिलेल्या मुलाखतीत असं म्हटलं की, “एका पिशवीत होते निगेटिव्ह रील होते. त्या निगेटिव्हला पैसे समजून त्यांनी ती पिशवी चोरली असावी. ४ लाखग रुपयांची रोख रक्कमदेखील चोरली आहे ते एक जुने आहे. ही एक जुनी इमारत असून यात काही सीसीटीव्ही कॅमेरादेखील आहे. यातील फुटेजनुसार यात दोन लोकांचा सहभाग असल्याचे दिसत आहे. तसेच या चोरांचा तपास लावण्याचे पोलिसांनी आश्वासनही दिले आहे”.