बॉलिवूड अभिनेता अजय देवगण सध्या खूप चर्चेत आहे. त्याने आजवर अनेक चित्रपटांमध्ये महत्त्वपूर्ण भूमिका साकारल्या आहेत. २०१० साली त्याचा ‘सिंघम’ हा चित्रपट प्रेक्षकांच्या भेटीला आला होता. या चित्रपटाने बॉक्स ऑफिसवर तूफान कमाई केली होती. आज इतकी वर्ष उलटून गेली तरीही हा चित्रपट प्रेक्षकांच्या लक्षात राहिला आहे. यामध्ये त्याच्याबरोबर अभिनेत्री काजल अग्रवाल ही मुख्य भूमिकेत दिसली होती. तसेच या चित्रपटातील सर्व गाणीदेखील प्रेक्षकांच्या लक्षात आहेत. त्यानंतर या चित्रपटांचे तीन भाग प्रेक्षकांच्या भेटीला आले असून सर्वच भाग तूफान चालले आहेत. अशातच आता ‘सिंघम’चा अजून एक भाग प्रेक्षकांच्या भेटीला येणार आहे. (singham again trailer)
अजयचा बहुचर्चित चित्रपट ‘सिंघम अगेन’ची मोठ्या प्रमाणात चर्चा सुरु आहे. हा चित्रपट प्रदर्शित होण्यास आता काही दिवसांचा कालावधी बाकी आहे. दिवाळीच्या मुहूर्तावर हा चित्रपट येण्याआधीच निर्मात्यांनी महत्त्वाचा निर्णय घेतला असून चित्रपटाचा ट्रेलर समोर आला आहे. ‘सिंघम अगेन’चा ट्रेलर लॉच सोहळा मोठ्या उत्साहात पार पडला. हा सोहळा ‘नीता मुकेश अंबानी कल्चरल सेंटर’मध्ये पार पडला. यावेळी माध्यमांनी उपस्थिती दर्शवली होती. तसेच अक्षय कुमारने हा ट्रेलर रिलीज केला. या चित्रपटाचे कनेक्शन रामायणाबरोबर असल्याचेही सांगितले गेले आहे.
त्याने सोशल मीडियावर ट्रेलर शेअर करत लिहिले की, “सगळ्यांनाच माहीत आहे की कोण कोण येणार आहे ते. ही दिवाळी शूर वीरांबरोबर साजरी करा. ‘सिंघम अगेन’चा ट्रेलर आला आहे. दरम्यान हा ट्रेलर समोर येताच एक इतिहास रचला आहे. हा ट्रेलर चार मिनिटे ५८ सेकंदांचा असून सर्वात मोठा ट्रेलर असल्याचेही सांगितले जात आहे. या चित्रपटात अजय देवगणसहित करीना कपूर, अक्षय कुमार, रणवीर सिंह, दीपिका पदुकोण, टायगर श्रॉफ, जॅकी श्रॉफ व अर्जुन कपूर हे मुख्य भूमिकांमध्ये दिसणार आहेत.
दरम्यान या चित्रपटासाठी ‘सिंघम’ चाहते खूप उत्सुक आहेत. हा चित्रपट १ नोव्हेंबर २०२४ रोजी चित्रपटगृहांमध्ये प्रदर्शित होणार आहे. या चित्रपटाचे दिग्दर्शन रोहित शेट्टीने केले आहे.
