bigg boss marathi 6 : ‘बिग बॉस मराठी’ सीझन ६ च्या घरात तुफान राडे होताना पाहायला मिळत आहेत. ‘बिग बॉस मराठी ६’मध्ये काल शनिवारी पहिला भाऊचा धक्का पार पडला. या धक्क्यावर रितेश देशमुखनं सर्व सदस्यांना चांगलंच सुनावलं. सगळ्यांना त्यांची जागा दाखवून दिली. असं असलं तरी आठवड्याच्या सुरुवातीलाच घरात कशावरुन तरी भांडण झाल्याचं समोर आलं आहे. ‘कलर्स मराठी’ वाहिनीने शेअर केलेल्या प्रोमोमध्ये घरात जोरदार भांडण सुरु असल्याचं पाहायला मिळत आहे. आणि हा वाद एक सदस्य घराबाहेर पाडण्यापर्यंत टोकाला गेला असल्याचं समोर आलं.
समोर आलेल्या प्रोमोमध्ये अनुश्री आणि राकेश बापट यांच्यात वादाची ठिणगी पडली असल्याचं दिसत आहे. हा वाद नेमका का झाला आहे हे समोर आलं नसलं तरी अनुश्रीने बोललेलं राकेशला पटलेलं दिसत नाही. इतकंच नाहीतर राकेश ‘बिग बॉस’च्या घरात तोडफोड करत घराबाहेरही जायला निघतो. वादादरम्यान अनुश्री म्हणते, “जिथे तू हात धरुन मला उठवलंस ना, तिथे तू माझ्या डोक्यात गेलास. यावर राकेश म्हणतो, “डू नॉट ब्लडी से दॅट अगेन. २५ वर्ष मी एवढं काम केलंय पण कोणाची हिंमत नाही झाली मला कोणी असं बोलेल. मला नाही राहायचं या घरात”.
आणखी वाचा – ‘बिग बॉस’ मराठी 6 मध्ये रितेश देशमुखने केलं प्रभू शेळकेचं भरभरून कौतुक; म्हणाला, “Entertainment चा Don…”
राकेशला आता ‘बिग बॉस’च्या घरात थांबायचं नाही आहे त्यामुळे तो ‘बिग बॉस’च्या घरात तोडफोड करत घराबाहेर जायचं असं म्हणतो. यावर ‘बिग बॉस’ही घराचं दार उघडतात. हे पाहून सगळेच चक्रवतात. आता राकेश खरंच ‘बिग बॉस’च्या घराबाहेर पडणार का?, अनुश्री आणि राकेशमधील वाद नेमकं काय वळण घेणार हे सारं पाहणं रंजक ठरणार आहे.
