Bigg Boss Marathi 6 : “स्वागताला दारं उघडी ठेवा! मी येतोय”, म्हणत रितेश देशमुख घेऊन येत आहे ‘बिग बॉस मराठी सिझन ६’. नव्या प्रोमोमुळे महाराष्ट्रात एकच चर्चा, एकच विषय घोळतोय ‘बिग बॉस मराठी सिझन ६’. सगळीकडे उत्साहाची लाट उसळली आहे. रितेश भाऊंचा मस्त लूक, दमदार स्वॅग प्रेक्षकांची मने जिंकत आहे. “मागचा सिझन वाजवलाय, यंदाचा गाजवायचाय…आहात ना तयार”, भाऊच्या या वाक्याने प्रेक्षकांची धडधड अजूनच वाढली आहे. नव्या सिझनची उत्सुकता शिगेला पोहोचली आहे. मागील सिझनने जबरदस्त धुमशान घातलं आणि यंदाच्या सिझनमध्ये Swag तोच असणार आहे, पण पॅटर्न रितेश भाऊंचा असणार आहे.
काय पॅटर्न असणार? कसा लूक असणार? सदस्य कोण असणार? सगळं अजून गुलदस्त्यात आहे. ‘बिग बॉस मराठी सिझन ६’ ११ जानेवारीपासून दररोज रात्री ८ वा. कलर्स मराठी आणि JioHotstar वर पाहता येणार आहे. भाऊच्या एंट्रीसाठी उभारलेला आलिशान सेट, भव्य मिरवणुकीचे वातावरण, ढोल–ताशांचा गजर, रंगीबेरंगी रोषणाई आणि तब्बल २५० ते ३०० लोकांची दणदणीत उपस्थिती या सगळ्यांच्या साक्षीने पार पडला. ‘बिग बॉस मराठी’च्या नव्या सिझनचा लार्जर-दॅन-लाईफ प्रोमो व्हायरल झाला आहे.
आणखी वाचा – दोन मराठमोळ्या अभिनेत्रींचा साखरपुडा, एकीने थाटामाटात तर एकीने गुपचूप उरकला सोहळा, फोटो समोर
रितेश भाऊने पहिल्यांदाच प्रोमोमध्ये पारंपरिक वेशभूषा केली आहे. प्रत्येक फ्रेममध्ये त्यांचा दिसणारा स्वॅग प्रेक्षकांची मने जिंकत आहे. या नव्या प्रोमोने ‘बिग बॉस मराठी’च्या नव्या सिझनच बिगुल वाजल आहे. दरम्यान, सगळीकडे चर्चांना उधाण आले आहे आणि चर्चेत आहेत प्रोमोमधले रितेश भाऊंचे कडक डायलॉग… घरात कुणाचा नवस पूर्ण होणार? तर कुणाच्या सलामीने वातावरण झिंगणार? काही असेही असणार… पण, मी गप्प नाही बसणार…! अशा आणि अनेक प्रश्नांची उत्तरं मिळणार आहेत लवकरच.
आणखी वाचा – रितेश देशमुखची धमाकेदार एंट्री,’बिग बॉस’ मराठीच्या नव्या प्रोमोने वाढवली उत्सुकता; सूत्रसंचालन करणार आणि…
या सिझनमुळे लागणार महाराष्ट्राला वेड… सज्ज व्हा! ‘बिग बॉस मराठी सिझन ६’ ११ जानेवारीपासून दररोज रात्री ८ वा. कलर्स मराठी आणि JioHotstar वर प्रदर्शित होणार आहे.
