Bigg Boss Marathi 6 : ‘बिग बॉस’ मराठीच्या नव्या कॅप्टन्सीसाठी स्पर्धकांमध्ये चुरशीची लढत पाहायला मिळणार आहे. ‘बिग बॉस’च्या घराचा पहिला कॅप्टन पदाचा मानकरी गायिका प्राजक्ता शुक्रे ही ठरली. पण आठवडा संपल्यानंतर आता पुढील आठवड्याचा अधिकारी कोण होणार यासाठी स्पर्धकांमध्ये लढाई सुरु झाली आहे. घरात आता दोन टीम पडू लागल्या आहेत. त्यामुळे पुढचा कॅप्टन कोण होणार याकडे साऱ्यांच्या नजरा लागून राहिल्या आहेत. अशातच ‘बिग बॉस’ने आता नव्या कॅप्टन्सीसाठी एक टास्क स्पर्धकांना दिला आहे. बिग बॉसच्या घरात नेहमीच वाद, भांडण होताना दिसतात मात्र आता कॅप्टन्सीसाठी या स्पर्धकांना एकमेकांना मस्का लावावा लागणार आहे.
नुकत्याच समोर आलेल्या प्रोमोमध्ये, कॅप्टन्सीसाठी स्पर्धक एकमेकांना मस्का लावणार आहेत. कॅप्टन्सीसाठी लावला जातोय मस्काभारी, कोण होणार घराचा नवा अधिकारी असा नवा टास्क आता स्पर्धकांना देण्यात आला आहे. प्रत्येकी दोन जणांची मत बाद करायची अशी सूचना स्पर्धकांना देण्यात येते. यावर सगळे स्पर्धक आपापले मत मांडतात. शेवटी तन्वीचा टर्न असतो. त्यावेळी ‘बिग बॉस’ असं घोषित करतात की, तन्वी यांचं वोट ठरेल निर्णायक. आयुष आणि रोशन यांमध्ये तिला एका स्पर्धकाची निवड करायची असते.
आणखी वाचा – “मला आई व्हायचं नाही…” TMKOC फेम बबिताचं वक्तव्य, मातृत्वाबद्दल म्हणाली, “मी अजून लग्न केलेलं नाही…”
आता तन्वीच्या हातात घराचा नवा कॅप्टन कोण होणार हे असतं. दरम्यान आयुष संजीव आणि रोशन भजनकर यांमध्ये ही लढाई सुरु असते. त्यामुळे सगळ्यांच्या नजरा तन्वीच्या वोटवर असतात. तन्वीने ‘बिग बॉस’च्या घरात डे १ पासून राडा घातलेला आहे, त्यामुळे तिचं बऱ्याच स्पर्धकांशी वाकड आहे. आणि म्हणूनच तन्वी आता कोणत्या स्पर्धकाला वोट करणार आणि ‘बिग बॉस’च्या घराचा नवा अधिकारी निवडणार हे पाहणं रंजक ठरेल.
