radha patil live In Relationship : ‘बिग बॉस मराठी’ सीझन ६ मध्ये नृत्यांगना, लावणी क्वीन राधा पाटीलची एंट्री झाली आणि अनेकांच्या भुवया उंचावल्या. सुरुवातीलाच राधा पाटील आणि दीपाली सय्यदमधील वाद चांगलाच चर्चेत आला. पण आता राधा आणि अनुश्री माने यांच्यातील मैत्री घट्ट होताना पाहायला मिळत आहे. ‘बिग बॉस’ मराठीच्या घरात राधा व अनुश्री यांनी एकमेकांना त्यांचे वैयक्तिक आयुष्य शेअर केले आहे. गार्डन एरियामध्ये दोघी बोलत असतात तेव्हा राधाने तिच्या बॉयफ्रेंडबाबत खुलासा केला. राधा गेल्या तीन वर्षांपासून तिच्या बॉयफ्रेंडसह लिव्हइन मध्ये राहते. यावेळी राधाने तिच्या बॉयफ्रेंडच नावही घेतलं मात्र टेलीकास्टदरम्यान ते म्यूट करण्यात आलं.
राधा पाटील म्हणाली, “आम्ही २ BHK मध्ये राहतो, आमचा बेडरुम वेगळा आहे आणि बाकी मुलींसाठी वेगळी खोली आहे. आम्ही लिव्ह इन रिलेशनशिपमध्ये राहतो. त्याचा स्वभाव असा आहे ना… मला जरा कोणी काही बोललं तर, तो कोणालाच ठेवणार नाही. त्याला कसलंच व्यसन नाही आहे. तीन वर्षे झाली आता. तो कधीच स्वतःच्या हाताने जेवला नाही. तो नेहमी माझ्याच हाताने जेवला आहे. (मी त्याला भरवते) त्यामुळे आता मला राहून राहून वाटतंय… मी इथे आल्यावर त्याचं काय होत असेल? कसं होत असेल? मुलींची अशी एक इच्छा असते ‘देसी बॉय’ पाहिजे. अगदी तसाच तो आहे”.
आणखी वाचा – ‘बिग बॉस’च्या घरात राशनचा तुडवडा; रोशन भजनकर-ओमकार राऊत भिडले, ‘बिग बॉस’ देणार पूर्ण घराला शिक्षा?
राधा पुढे म्हणाली, “आता शोमध्ये हे सगळे (अन्य स्पर्धक) मला इतके बोलतात… तो इथे असता तर एवढ्यात मारून वगैरे निघून गेला असता”. यावर अनुश्री राधाला सांगते, “आता मला पण एखादा बॉयफ्रेंड शोध”, राधाच्या बॉयफ्रेंडविषयी ती असंही म्हणते, “मी त्याची फॅन आहे. म्हणजे मी तुझीही फॅन आहे. पण, मला त्याचं अमुक एक गाणं खूप आवडतं”.
यावर राधा पुढे म्हणाली, “तुला माहितीये का? आम्ही जेव्हा फिरायला जातो. तेव्हा माझ्याबरोबर कोणी फोटो काढत नाही पण, त्याच्याबरोबर फोटो काढण्यासाठी खूप गर्दी होते. लोक वेडे आहेत त्याच्यासाठी पण, तो माझा हात कधीच सोडत नाही. आता आम्हाला तीन वर्षे झाली… असं कधीच वाटलं नाही की, आमच्यापैकी एकाचं प्रेम तरी कमी झालं आहे कारण, आमचं एकमेकांवर खूप प्रेम आहे. मी खूप ओरडते, चिडचिड करते, तरीही तो सगळं सहन करतो. आता त्याची आठवण आल्यावर मला खूप रडायला येतं”. यानंतर राधाने तिच्या बॉयफ्रेंडचं नावही घेतलं, मात्र एपिसोड टेलिकास्टदरम्यान ते म्युट करण्यात आलं”.
