Bigg Boss Marathi 5 : बिग बॉस मराठी’चा पाचवा सिझन सध्या चांगलाच चर्चेत आहे. घरातील स्पर्धकांमध्ये दिवसेंदिवस वाद वाढतच चालला आहे. त्यात या घरात आल्यापासून निक्की व तिचे वाद प्रेक्षकांना अनेकदा पाहायला मिळाले आहेत. तसंच निक्की ची मनमानी देखील प्रेखकांनी अनेकदा पाहिली आहे. निक्की व वर्षा यांचे वाद तर या घरासाठी काही नवीन नाहीत. अशातच निक्की पुन्हा एकदा मनमानी करत सर्वांचे लक्ष वेधून घेत असते. तिचे वागणे प्रेक्षकांना सतत खटकत असते. या आठवड्यात निक्की ‘बिग बॉस’च्या घरातील सर्व नियम मोडताना दिसणार आहे.
पहिल्या दिवसापासूनच ‘बिग बॉस’ हा कार्यक्रम प्रेक्षकांचं भरभरून मनोरंजन करत आहे. गेल्या आठवड्यात अरबाजचं रौद्र रुप पाहायला मिळालं होतं. यंदाच्या या कठीण आठवड्यात प्रेक्षकांना अनेक नवनवीन ट्विस्ट पाहायला मिळणार आहेत. पुन्हा एकदा या आठडव्याची सुरुवात निक्कीच्या भांडणाने झाली आहे. कलर्स मराठीच्या सोशल मीडिया अकाउंटद्वारे नुकताच निक्कीचा एक प्रोमो शेअर करण्यात आला आहे. ज्यात ती कॅप्टन वर्षा यांच्याबरोबर वाद घालत असल्याचे पाहायला मिळत आहे आणि निक्की घरातील सर्वच नियम मोडताना दिसत आहे
यात निक्की वर्षा ताईंना म्हणतेय,”मी कोणतीही ड्यूटी करणार नाही.” त्यावर वर्षा ताई निक्कीला म्हणतात, “तू अशी मनमानी करू शकत नाही.” यानंतर निक्की झोपेचे नाटक करत असल्याने घरात कोंबडा आरवतो. ते पाहून आर्या तिच्यावर थंड पाणी ओतणार असल्याचे म्हणते. अभिजीतही तिला जाऊन समजावण्याचा प्रयत्न करतो. पण ऐकेल ती निक्की कसली?. त्यामुळे आता निक्की बाई इतरांचं ऐकणार की स्वतःच म्हणणं खरं करणार हे आजच्या भागात प्रेक्षकांना पाहायला मिळणार आहे. तसंच आता ‘बिग बॉस’ निक्कीला काय शिक्षा देणार? हे जाणून घेण्याची देखील प्रेक्षकांना उत्सुकता आहे.
दरम्यान, सहावा आठवडा खूप कठीण असणार आहे असं बिग बॉस ने जाहीर केलं आहे. सहाव्या आठवड्यात नॉमिनेशन टास्कमध्ये घन:श्याम दरवडे, आर्या जाधव, धनंजय पोवार, सूरज चव्हाण, निक्की तांबोळी, अभिजीत सावंत, अरबाज पटेल हे सदस्य नॉमिनेट झाले आहेत. त्यामुळे आता या सदस्यांपैकी कोण आपला गेम प्लॅन अधिक चांगला आखणार? कोण सेफ होणार आणि कोण अनसेफ होणार? याकडे ‘बिग बॉस’ प्रेमींचं लक्ष लागलं आहे.
