छोट्या पडद्यावरीलण नेहमीच चर्चेत राहणारा शो म्हणजे ‘बिग बॉस’. बिग बॉस’चे प्रत्येक पर्व हे चांगलेच गाजते. शोमधील स्पर्धकांची भांडणे, शोमध्ये येणारे ट्विस्ट, त्याचबरोबर या शोमधील स्पर्धकांच्या नात्याविषयीची अनेक उलगडे या शोमधून होत असतात. त्यामुळे चाहत्यांनादेखील या शोविषयी व शोमध्ये सहभागी होणाऱ्या प्रत्येक स्पर्धकाविषयी कायमच उत्सुकता असते. ‘बिग बॉस’चे १७वे पर्व हे चांगलेच गाजले. या पर्वातील स्पर्धकांच्या चर्चा अजून संपत नाही इतक्यात ‘बिग बॉस’च्या आगामी पर्वाची चर्चा सुरु झाली आहे.
‘बिग बॉस’च्या आगामी म्हणजेच ‘बिग बॉस १८’ बद्दल प्रेक्षकांमध्ये आतापासूनच उत्सुकता निर्माण झाली आहे. दरवेळेप्रमाणे या वेळीही या सीझनमध्ये कोणते स्पर्धक सहभागी होणार? हे जाणून घेण्याची चाहत्यांमध्ये उत्सुकता निर्माण झाली असून याबद्दल नुकतीच एक नवीन अपडेट समोर येत आहेत.
‘बिग बॉस १८’साठी डिजिटल कंटेंट क्रिएटर पूजा शर्मा रेखा हे पहिले नाव नाव समोर आले आहे. पूजा शर्मा ही ट्रान्सजेंडर असून ती सोशल मीडियावर खूप प्रसिद्ध आहे. जेव्हा तिचा मुंबईच्या लोकल ट्रेनमध्ये डान्स करतानाचा व्हिडीओ अचानक व्हायरल होताच तिला लोकप्रियता मिळू लागली. तिच्या चेहऱ्याची ठेवण ही अभिनेत्री रेखा यांच्याची जुळत असल्यामुळे तिला ‘रेखा’ म्हणू लागले.
टेलि टॉक इंडियाला दिलेल्या मुलाखतीत पूजा शर्माने ‘बिग बॉस’मध्ये जाण्याच्या वृत्तावर प्रतिक्रिया दिली आहे. यावेळी “ती लवकरच तुम्हाला याविषयी कळेल” असं म्हणाली होती. त्यामुळे पूजाच्या या विधानामुळे ती ‘बिग बॉस १८’ची पहिली स्पर्धक होऊ शकते असा अंदाज वर्तवला जात आहे. अर्थात याबद्दल अद्याप अधिकृत घोषणा करण्यात आलेली नाही. त्यामुळे यात किती तथ्य आहे हे आगामी काळात कळेल.
आणखी वाचा – “माझ्या आईला जाऊन…”, मिलिंद गवळी आईच्या आठवणीत भावुक, म्हणाले, “शरीराने ती आमच्यात नाही पण…”
दरम्यान, ‘बिग बॉस १८’ विषयी चाहत्यांमध्ये आतापासूनच उत्सुकता निर्माण झाली आहे. तसेच या पर्वात याव्यतिरिक्त आणखी कोण कोण सहभागी होणार याविषयीदेखील चाहते उत्सुक आहेत.