‘बिग बॉस १७’ चा आज महाअंतिम सोहळा पार पडणार आहे. हा सोहळा उरू व्हायला अवघे काही तास बाकी आहेत. त्यामुळे ‘बिग बॉस १७’ या पर्वाचा विजेता नेमका कोण होणार याकडे साऱ्यांच्या नजरा वळून राहिल्या आहेत. चाहत्यांसह कलाकार मंडळी फिनालेमध्ये पोहोचलेल्या स्पर्धकांना पाठिंबा दर्शवत त्यांच्यासाठी खास पोस्ट शेअर करताना दिसत आहेत. तर एकीकडे ‘बिग बॉस’च्या घरातून बाहेर पडलेले स्पर्धक विविध माध्यमांना मुलाखती देत आहे. (Ayesha Khan Bigg Boss Contestant)
अशातच एका स्पर्धकाच्या मुलाखतीने साऱ्यांचे लक्ष वेधून घेतले आहे. वाइल्ड कार्ड स्पर्धक म्हणून एन्ट्री घेतलेल्या आयेशा खानने नुकतीच दिलेली मुलाखत चर्चेत आली आहे. मुन्नवर फारुकीची कथित गर्लफ्रेंड म्हणून आयशाकडे पाहिलं गेलं. अशातच आयेशाने ‘बिग बॉस’च्या घरातून बाहेर पडल्यानंतर सिद्धांत कननच्या युट्युब चॅनलला मुलाखत दिली. यावेळी आयेशाने तिच्यावर विनयभंग झाल्याचा खुलासा केला. हा धक्कादायक प्रसंग ऐकून साऱ्यांनाच आश्चर्याचा धक्का बसला.
आयेशाने हा प्रसंग सांगत म्हटलं आहे की, “मला कोणीतरी आवाज दिला म्हणून मागे वळून पाहिलं आणि म्हणाली, हा काका बोला. ते म्हणाले, इकडे ये. त्यानंतर त्यांनी मला एक पत्ता विचारला. मी सांगितलं, हो मला माहित आहे. या बिल्डिंगमध्ये आहे. ते बोलले, मला घेऊन जातेस का? मी म्हणाले, ठीक आहे, चला. मी त्यांना घेऊन गेले. जेव्हा आम्ही पहिल्या मजल्यावरुन खाली उतरत होतो, तेव्हा त्यांनी मला अचानक पायऱ्यांवरून ढकललं. त्यामुळे मी पडले”. हे सांगताना आयेशाला अश्रू अनावर झाले.
Ayesha Khan breaks down while talking about how she was molested at a young age. pic.twitter.com/Hmt1PUXayv
— #BiggBoss_Tak???? (@BiggBoss_Tak) January 27, 2024
पुढे आयेशा म्हणाली, “यानंतर त्यांना मला जे काही करायचं होतं ते करू लागले. मला काहीच कळतं नव्हतं, हे काय होतंय. पण एवढं समजत होतं की, जे काही होतं आहे ते चुकीचं होत आहे. ९ वर्षाच्या मुलीला एवढं काय समजेल? मी ओरडू शकत नव्हते. कारण माझ्या तोंडावर त्यांनी हात ठेवला होता. मी फक्त त्यांना एवढंच सांगण्याचा प्रयत्न करत होती की, माझी आई तिकडे उभी आहे. मला जाऊ द्या. पण त्यांनी मला सोडलं नाही. ईश्वराच्या कृपेने पुढे त्यांनी मला १० मिनिट तिथेच थांबायला सांगितलं आणि ते निघून गेले. जसं मी त्यांना बाहेर जाताना पाहिलं तसं माझ्या डोक्यात आलं, आता इथून पळा”, आयेशा हा प्रसंग सांगताना खूप रडली.
