Avika Gor Engaged : टेलिव्हिजनवरील ‘बालिका वधू’ या लोकप्रिय मालिकेने प्रेक्षकांची मन जिंकली. ही मालिका घराघरांत लोकप्रिय झाली. मालिकेत आनंदीची भूमिका साकारणारी अविका गौरबाबत एक मोठी अपडेट समोर आली आहे. अभिनेत्रीने तिचा साखरपुडा सोहळा उरकला असल्याचं समोर आलं आहे. अभिनेत्री बऱ्याच वर्षांपासून तिच्या प्रियकराला डेट करत होतो. तिने तिचा बॉयफ्रेंड मिलिंद चंदवानीबरोबर साखरपुडा केला आहे. या साखरपुडा सोहळ्याचे फोटो शेअर करत अविका हिने ही आनंदाची बातमी चाहत्यांसह शेअर केली आहे. अविका गौर हिने अगदी शाही पद्धतीने मिलिंद चांदवानीशी साखरपुडा केला. याचे फोटो पाहून चाहत्यांमध्ये आंनदाच वातावरण पाहायला मिळत आहे.
अविकाने तिच्या या खास दिवशी, हलकी गुलाबी रंगाची साडी परिधान केली. यासह, तिने स्लीव्हलेस ब्लाउज परिधान केला होता. तसेच मॅचिंग दागिने आणि मोकळ्या केसांसह तिने तिचा लूक पूर्ण केला. ज्यामध्ये ती खूप सुंदर दिसत होती. त्याच वेळी, मिलिंद चांदवानी यानेही बेज शेरवानी परिधान केली होती ज्यात तो खूपच हँडसम दिसत होता.
आणखी वाचा – एक नवं रुप, नव्या नात्यांसह…; ‘झी मराठी’ वाहिनीची अनोखी सुरुवात, नवीन अध्याय, नवीन वाटचाल सुरु करणार आणि…
अविका गौर हिने इन्स्टाग्रामवर तिच्या साखरपुडा सोहळ्याचे फोटो शेअर केले आहेत. यासह, तिने कॅप्शनमध्ये लिहिले आहे की, “जेव्हा त्याने विचारले, मी हसले, मी ओरडले आणि माझ्या आयुष्यातील हा सर्वात सोपा हो होता. मी पूर्णपणे फिल्मी आहे. पार्श्वभूमी स्कोअर, स्लो-मो, स्वप्न पाहणे, मस्करा लावणे असं काही माझं सुरु असतं. तर याउलट तो तार्किक बोलतो, शांत आहे आणि माझ्याबरोबर फर्स्ट ऐड किट बरोबर घेऊन चालणार आहे”.
आणखी वाचा – ‘ठरलं तर मग’ फेम जुई गडकरीला झाली कावीळ, पाणी उकळून पिण्याचा दिला सल्ला, कावीळवरील रामबाण उपाय आहेत तरी काय…
अविकाने पुढे लिहिले, “मी थोडी ड्रामेबाज आहे, पण तो मला सांभाळतो. आणि अशाप्रकारे आम्ही दोघे एकमेकांशी फिट आहोत. म्हणून जेव्हा त्याने विचारले, तेव्हा माझ्या आतल्या नायिका जागी झाली. माझे हात हवेत होते, माझ्या डोळ्यात अश्रू आले आणि माझ्या मनाने काम करणे थांबवले. कारण हेच खरे प्रेम होते. हे नेहमीच परिपूर्ण असू शकत नाही परंतु ही जादू आहे”. मिलिंद चांदवानी याने अभिनेतीच्या या पोस्टवर प्रतिक्रिया व्यक्त केली आहे. कमेंट करत त्याने लिहिले आहे की, “रिअल पार्श्वभूमी संगीत माझ्या हृदयात200 बीपीएम इतके होते. तुझ्या होकाराने मला अचानक प्रत्येक चित्रपटाची ओळ समजू लागली. आपण एक नाटक आहात, आणि मी त्यांचे दिग्दर्शन करीत आहे, चला सर्वोत्कृष्ट चित्रपट बनवूया”.
