मनोरंजन सुष्टीतील एव्हरग्रीन जोडपं म्हणून अभिनेते अविनाश नारकर व अभिनेत्री ऐश्वर्या नारकर यांचं नाव आधी घेतलं जात. वयाची पन्नाशी ओलांडलेलं हे जोडपं सोशल मीडियावर खूप सक्रिय असतं. अविनाश व ऐश्वर्या यांनी आजवर त्यांच्या अभिनयाने प्रेक्षकांच्या मनावर राज्य केलं आहे. चित्रपट, मालिका, नाटक या तीनही माध्यमातून या जोडीने बरंच एकत्रित काम केलं आहे. सध्याच्या ट्रेंडींगनुसार ते कोणत्याच बाबतीत मागे नाहीत. अनेक रील्स व व्हिडीओ बनवून ते नेहमीच प्रेक्षकांच्या संपर्कात राहण्याचा प्रयत्न करतात. (Avinash Narkar and Aishwarya Narkar)
सोशल मीडियावर या जोडीचा प्रत्येक व्हिडीओ व्हायरल होत असतो. नुकताच त्यांनी एक नवा व्हिडीओ शेअर केला आहे; जो व्हिडीओ सोशल मीडियावर चांगलाच चर्चेत आला आहे. नुकताच अविनाश नारकर व ऐश्वर्या यांनी बॉलीवूड अभिनेत्री दिशा पटानीच्या ‘क्यूँ करू फिकर’ या गाण्यावरील डान्स व्हिडीओ शेअर केला आहे. हा व्हिडीओ शेअर करत त्यांनी लिहील आहे की, “जो भी होगा देखा जायेगा”.
या व्हिडीओत अविनाश व ऐश्वर्या नारकर यांनी गाण्यावर ठेका धरलेला पाहायला मिळतोय. अभिनेते अविनाश नारकर व ऐश्वर्या नारकर यांच्या दान व्हिडीओमुळे ते नेहमीच चर्चेत असतात.बरेचदा ते दोघेही नेटकऱ्यांच्या तावडीतही सापडतात. अशातच त्यांचा हा डान्स काही नेटकऱ्यांना आवडला आहे, तर काही नेटकऱ्यांना खटकला आहे. त्यामुळे व्हिडीओच्या खाली नेटकऱ्यांच्या संमिश्र प्रतिक्रिया पाहायला मिळत आहे.
एका नेटकऱ्याने कमेंट करत म्हटलं आहे की, “नारकर साहेब शरीबरोबर तोंडानेही मनसोक्त नाचतात.” तसेच दुसऱ्या एका युजरला या जोडीचा डान्स आवडला असून त्याने कमेंट करत म्हटलं आहे की, “आयुष्य एकदाच मिळत.. भरभरून जगून घ्यावे.” तर आणखी एका चाहत्याने कमेंट करत म्हटलं आहे, “संतुर जोडी”.
दोघांच्या कामाबद्दल बोलायचं झाल्यास अविनाश हे ‘सन मराठी’ वाहिनीवरील ‘कन्यादान’ या मालिकेत वडिलांच्या भूमिकेत पाहायला मिळत आहेत. तर ऐश्वर्या नारकर ‘झी मराठी’ वाहिनीवरील ‘सातव्या मुलीची सातवी मुलगी’ या मालिकेत झळकत आहेत. शिवाय लवकरच त्या ‘बातें कुछ अनकही सी’ या हिंदी मालिकेतही त्या पाहायला मिळणार आहेत.
