Atharva Sudame reel : पुण्याचा रील स्टार अर्थव सुदामे सध्या वादाच्या भोवऱ्यात अडकला आहे. अथर्वचा हिंदू-मुस्लिम ऐक्यावर भाष्य करणारा व्हिडीओ व्हायरल होताच अनेकांच्या भुवया उंचावल्या. त्याचा हा गणेशोत्सव व्हिडीओ पाहताच नेटकऱ्यांनी जोरदार टीका केली आणि त्याचक्षणी त्याने हा व्हिडीओ घाबरुन सोशल मीडिया अकाउंटवरुन डिलीट करण्यात आला. अर्थवचे हे व्हिडीओ डिलीट करणे त्याच्या चाहत्यांना आवडले नाही. अथर्वनं व्हिडिओ डिलिट केला असला तरी, या व्हिडिओमध्ये वादग्रस्त असं काहीच नव्हतं, त्यानं व्हिडिओ डिलिट नव्हता करायला हवा, असंही अनेकांनी म्हटलं.
अथर्वने शेअर केलेल्या रीलमध्ये तो एका मूर्तिकाराकडे गणपतीची मूर्ती खरेदी करायला जातो. त्यातील एक गणेशाची मूर्ती अथर्वला आवडते आणि तो बुक करतो. तेवढ्यात मूर्तिकाराचा मुलगा तिथे येतो आणि त्याला अब्बू अशी हाक मारतो. आणि त्याचवेळी अथर्व आणि तो मूर्तिकार एकमेकांकडे पाहतात. मूर्तिकार अथर्वला सांगतो की, तुम्हाला पाहिजे तर तुम्ही पुढे जाऊन मूर्ती पाहू शकता. त्यावर अथर्व म्हणतो, ‘माझे वडील सांगतात की, आपण साखर व्हावं जी खीरही बनवते आणि शीरखुर्माही. तसेच आपण वीट व्हावं जी वीट देवाळातही लावली जाते आणि मशिदीमध्ये देखील.
अथर्वचा हा व्हिडीओ सोशल मीडियावर व्हायरल होताच अर्थवला धमक्याही मिळाल्या. या वादात ब्राह्मण महासंघानंही उडी घेतली आणि त्याला सुनावलं. “सुदामेनं केवळ मनोरंजन करावं, अभ्यास नसलेल्या विषयाबद्दल बोलू नये”, “हिंदू-मुस्लिम ऐक्याबद्दल काहीतरी अक्कल शिकवतोय. आम्हाला एवढंच म्हणायचं आहे की तू करमणूक कर, लोकांना हसवं, त्याचं मनोरंजन कर आणि स्वत:चं पोट भर… अभ्यास नसलेल्या गोष्टीत न पडलेलं बरं”, अशा असंख्य प्रतिक्रिया सुदामेच्या त्या व्हिडीओवर आल्या.
आणखी वाचा – ‘KGF’ फेम सुप्रसिद्ध अभिनेत्याचे वयाच्या ५५ व्या वर्षी निधन, ‘कांतारा’च्या शूटदरम्यान आलेला ब्रेन स्ट्रोक
यानंतर अर्थवने तातडीने तो व्हिडीओ डिलीट करत माफी मागितली. अथर्व म्हणाला, “माझ्या सोशल मीडिया प्लॅटफॉर्मवर शेअर केलेला तो व्हिडीओ मी डिलीट केला आहे. बरेच लोक नाराज झाले, त्यांना ती व्हिडीओ आवडली नाही. तर, माझा अजिबात असा उद्देश नव्हता की, कोणाला दुखवायचं, कोणाच्या भावना दुखवायच्या. मी आतापर्यंत खूप व्हिडीओ असे केले आहेत जे आपल्या हिंदू सणांवर आहेत, मराठी संस्कृतीवर आहेत मराठी भाषेवर आहेत. माझ्या मनात अजिबातच असा कोणता उद्देश नव्हता की, कोणाला दुखवावं किंवा काय. पण तरीही, जर तुम्ही दुखावला असाल तर माफी मागतो”.
