Asha Bhosle death : सुप्रसिद्ध गायिका आशा भोसले यांचं निधन झालं आहे. १२ एप्रिल २०२६ रोजी आशा भोसले यांनी वयाच्या ९२ व्या वर्षी अखेरचा श्वास घेतला. आशा भोसले यांचे पुत्र आनंद भोसले यांनी त्यांच्या निधनाची माहिती दिली. आशा भोसले यांच्या निधनाने शोककळा पसरली आहे. त्यांच्या निधनावर नेते, सेलिब्रिटी, सर्वजण शोक व्यक्त करत आहेत. आशा भोसले यांच्यावर शासकीय इतमामात अंत्यसंस्कार होणार आहेत. आशा भोसले यांच्या निधनानंतर त्यांचे कुटुंबीयही शोक सागरात बुडाले आहेत. नुकत्याच समोर आलेल्या व्हिडीओमध्ये आशा भोसले यांचा मुलगा आनंद भोसले ढसाढसा रडताना दिसले. आईच्या जाण्याने आनंद यांना अश्रू अनावर झाले. तर आशा भोसले यांची नात जनाई भोसलेही रडताना दिसली. आजी आणि मुलीचं जवळचं नातं होतं. बऱ्याचदा दोघी एकत्र स्पॉट होताना दिसल्या.
आनंद भोसले यांनी काल पोस्ट करत म्हटलं, “माझी आई आशा भोसले यांचे आज निधन झाले. उद्या दुपारी चार वाजता अंत्यसंस्कार होणार आहेत”. आशा भोसले यांची नात जनाई भोसले यांनी सोशल मीडियावर पोस्ट केली होती की, “आशा भोसले यांना छातीत संसर्ग झाल्यामुळे शनिवारी रात्री दाखल करण्यात आले होते. पण बहु अवयव निकामी झाल्याने आशा भोसले यांचा मृत्यू झाला”. वैयक्तिक आयुष्यात आशा भोसले यांनी दोनदा लग्न केले. तिने पहिले लग्न गणपत राव यांच्याशी केले. मात्र, दोघेही ११ वर्षांनंतर वेगळे झाले. आशा भोसले यांना गणपत रावांपासून तीन मुले (वर्षा भोसले, हेमंत भोसले आणि आनंद भोसले) होती. यानंतर आशा भोसले यांनी १९८० मध्ये संगीत दिग्दर्शक आरडी बर्मन यांच्याशी लग्न केले. त्या आशा भोसले यांच्यापेक्षा ६ वर्षांनी लहान होत्या. आशा भोसले आणि आरडी बर्मन यांना स्वतःची कोणतीही मुले नाहीत.
गायिका वर्षा भोसले यांची मुलगी वर्षा भोसले हिने २०१२ मध्ये आत्महत्या केली होती. २०१५ मध्ये त्यांचा मुलगा हेमंत भोसले याचा कॅन्सरमुळे मृत्यू झाला होता. आशा भोसले यांचा मुलगा आनंद भोसले हा मोठा उद्योगपती आहे. अशा स्थितीत आशा भोसले यांच्या संपत्तीचा खरा वारस त्यांचा एकुलता एक मुलगा आनंद भोसले असल्याचे स्पष्ट झाले आहे.
आणखी वाचा – ‘इन आँखों की मस्ती’ पासून ‘दम मारो दम’ पर्यंत, आशा भोसले यांची ही १० गाणी आजही लोकप्रिय, वाचा गाण्यांची यादी
आशा भोसले यांनी त्यांच्या कारकिर्दीत अनेक उत्तम गाणी गायली. हिंदी व्यतिरिक्त तिने एकूण 20 भारतीय आणि परदेशी भाषांमध्ये गाणी गायली आहेत. गायनासोबतच आशा भोसले यांनी अभिनयातही हात आजमावला. 2013 मध्ये आशा भोसले यांनी ‘माई’ या मराठी चित्रपटात काम केले होते. आशा भोसले यांच्या सदाबहार गाण्यांमध्ये ‘इन आँखों की मस्ती के’, ‘दिल चीज क्या है’, ‘चुरा लिया है तुमने जो दिल को’, ‘अब के बरस भेजा भैया को बाबुल’, ‘ये मेरा दिला’, ‘पिया तू अब तो आजा’ यांसारख्या गाण्यांचा समावेश आहे.
