Bigg Boss Marathi 6 Update : ‘बिग बॉस’ मराठीचा सहावा सीझन नुकताच प्रेक्षकांच्या भेटीस आला. नुकताच याचा ग्रँड प्रीमियर पार पडला असून सतरा स्पर्धकांनी ‘बिग बॉस’च्या घरात एंट्री घेतली. तर यंदाच्या पर्वात विविध क्षेत्रातून अप्रधक ‘बिग बॉस’च्या घरात दाखल झाले. आता या सर्वांमध्ये नेमक्या काय घडामोडी घडणार, कोणामध्ये पक्की मैत्री होणार, कोण शत्रू होणार हे पाहण्यासाठी प्रेक्षक प्रचंड उत्सुक आहेत. दरम्यान नुकताच ‘बिग बॉस मराठी ६’ चा प्रोमो समोर आला. ज्यामध्ये पहिल्याच दिवशी दोन स्पर्धकांमध्ये जबरदस्त वाद झाल्याचं पाहायला मिळालं.
आणखी वाचा: ‘बिग बॉस’चं घर स्पर्धकांसाठी बंद! पहिल्याच दिवशी घरामध्ये तुफान, नेमकं काय घडलं?
कलर्स मराठीने शेअर केलेल्या प्रोमोमध्ये पाहायला मिळते की करण सोनवणे आणि रुचिता जामदार यांच्यामध्ये बोलणे सुरू असल्याचे पाहायला मिळत आहे. करण रुचिताला म्हणतो, “आपण जेव्हा स्विमिंग पुलमध्ये जातो, तेव्हा थोडं पाणी पितोच ना?” पुढे तो फालतूमध्ये असं म्हणत घाबरल्याचा अभिनय करून दाखवतो. त्यावर रुचिता हसते. त्यांचं बोलणं ऐकून तन्वी तिथे येते आणि म्हणते की, “फालतूमध्ये म्हणू नकोस. त्यावर रुचिता म्हणते, “कधी कोण काय बोलतं आहे, हे न पाहता तुम्ही शस्त्र घेऊन कायमचे तयार असता.” त्यानंतर रुचिता आणि तन्वीमध्ये जोरदार भांडण सुरू होते. त्यानंतर तन्वी रुचिताला म्हणते, “तू तुझी मर्यादा पार करू नकोस. ” त्यानंतर रुचिता म्हणते, “बिनडोक, तुझं तोंड शेणात घाल.” (Bigg Boss Marathi 6 Update)
तर आता प्रोमोमध्ये पहिल्याच दिवशी तन्वी कोलते आणि रुचिता जामदार यांच्यात जोरदार वाद झाल्याचं पाहायला मिळत आहे. हा वाद आता घरात काय नवीन वळण घेऊन येणार हे पाहणं फारच रंजक ठरणार आहे. तर ‘बिग बॉस मराठी ६’ दररोज रात्री ८ वाजता कलर्स मराठी आणि जिओ हॉटस्टारवर नक्की पाहा. (Bigg Boss Marathi 6 Update)
