Ankita Lokhande Father Death : ‘पवित्र रिश्ता’ या लोकप्रिय मालिकेतून छोटा पडदा गाजवणारी अभिनेत्री अंकिता लोखंडे हिच्याकडून एक दुःखद घटना समोर आली आहे. या अभिनेत्रीच्या डोक्यावरील वडिलांच छत्र हरपलं असल्याची बातमी समोर आली आहे. शनिवारी (१२ ऑगस्ट) रोजी अंकिताचे वडील शशिकांत लोखंडे यांचं वयाच्या ६८व्या वर्षी निधन झाले.
समोर आलेल्या माहितीनुसार अंकिताचे वडील बऱ्याच काळापासून आजारी होते. मात्र, त्यांच्या मृत्यूचे कारण अद्याप समजू शकलेले नाही. मीडिया रिपोर्ट्सनुसार, अंकिताच्या वडिलांवर आज (१३ ऑगस्ट)रोजी अंत्यसंस्कार केले जाणार आहेत. शेवटच्या दर्शनासाठी अभिनेत्रींच्या वडिलांचे पार्थिव तिच्या राहत्या घरी दाखल झाले.
त्यांच्या पार्थिवावर काही वेळातच ओशिवरा स्मशानभूमीत अंत्यसंस्कार होणार आहेत. वडिलांच्या मृत्यूने अंकिता खूपच खचलेली आहे. अंकिताच्या वडिलांच्या पार्थिवाचे अंतिम दर्शन घेताना अंकिताने त्यांच्या आत्म्यास शांती लाभण्यासाठी प्रार्थना केली आहे. अभिनेत्रीचे वडील शशिकांत लोखंडे यांना अखेरचा निरोप देत असताना उपस्थितांना अश्रु अनावर झाले. या दुःखद प्रसंगी त्यांच्या कुटुंबियांचाही अश्रूंचा बांध फुटला. वडिलांचं पार्थिव पाहताच मुलगी अंकिता हिला अश्रू अनावर झाले. अभिनेत्रीची अवस्था पाहून उपस्थितांनाही गहिवरुन आलं. त्याचबरोबरीने अभिनेत्री अंकिता लोखंडेने तिच्या वडिलांना खांदा दिला.
हे देखील वाचा – सुप्रसिद्ध अभिनेत्री अंकिता लोखंडेच्या वडिलांचं निधन, कुटुंबियांना मोठा दुःखद धक्का
वडिलांचे पार्थिव घेऊन जात असताना अंकिता सोबत तिला तिचा पती विकी जैन याने आधार दिला आहे. अभिनेत्रीच्या वडिलांच्या मृत्यूनंतर ती खूप खचलेली दिसत आहे, शिवाय तिला अश्रूही अनावर होत आहेत. अंकिता लोखंडेचं तिच्या वडिलांवर अधिक प्रेम होत, फादर्स डेनिमित्त तिने वडिलांसाठी खास पोस्ट शेअर केली होती.
शशिकांत लोखंडे यांच्या अचानक जाण्याचे संपूर्ण कुटुंबियांना दुःखद धक्का बसला आहे. अंकिताचे वडील बँकर होते. अगदी सामान्य कुटुंबातून आलेल्या अंकिताला तिच्या आई-वडिलांनी कलाक्षेत्रात काम करण्यासाठी अधिकाधिक प्रोत्साहन दिलं. शिवाय तिच्या खासगी आयुष्यात घडत असलेल्या प्रसंगांनाही सामोरं जाण्याची ताकद अंकिताला तिच्या वडिलांकडून मिळाली.
