Ankita Lokhande Goodnews : अभिनेत्री अंकिता लोखंडे टेलिव्हिजन उद्योगातील लोकप्रिय अभिनेत्री आहे. अंकिता तिच्या व्यावसायिक आणि वैयक्तिक आयुष्यामुळे नेहमीच चर्चेत राहिलेली दिसली आहे. अभिनेत्रीने पेशाने व्यायसायिक असलेल्या विक्की जैनशी लग्न केले. अंकिताचा नवरा विक्की जैनही आता अंकितापेक्षा अधिक चर्चेत राहतो. आजकाल दोघेही ‘लाफ्टर शेफ’मध्ये धुमाकूळ घालताना दिसतात. दोघांची जोडी या शोमध्ये धमाल मस्ती करताना दिसते. या शोचा एक नवीन प्रोमो समोर आला आहे. या प्रोमोमध्ये अंकिता गुडन्यूज देताना दिसली आहे. अंकिताच्या तोंडून निघालेल्या या गोड बातमीने चाहत्यांमध्ये आनंदच वातावरण पाहायला मिळत आहे. अनेकजण अंकिताने केलेलं हे वक्तव्य खरं आहे का असा सवाल करताना दिसत आहेत.
लाफ्टर शेफच्या समोर आलेल्या प्रोमोमध्ये असं पाहायला मिळत आहे की, अंकीताला चुकवून कृष्णा अभिषेक एक जिन्नस घेऊन धावत असतो. अंकिता तो जिन्नस घेण्यासाठी त्याच्या मागे धावते. अंकीता धावत असताना ती अचानक थांबते आणि म्हणते, “मी गरोदर आहे. मी धावू शकत नाही”. अंकिताचे हे वाक्य ऐकून प्रत्येकाला धक्का बसतो. यावर कृष्णा अभिषेकही थांबतो आणि विचारतो, खरंच का?. यावर अंकिता हसायला सुरुवात करते. मग कृष्णाने अभिषेक अंकिताला चिडवायला, “आज हमारे घर में आ रहा लल्ला है”, असं म्हणते. हे ऐकून करण कुंद्रालाही धक्का बसतो.
या प्रकरणात आता किती सत्य आहे हे अर्थात अंकिताच सांगू शकेल. कारण यापूर्वी, अंकिताने शो लॉकअपमध्येही तिच्या गरोदरपणाची बातमी दिली होती. ‘कलर्स टीव्ही’ने हा व्हिडीओ शेअर केला आहे आणि लिहिले आहे की, “अंकीताने लाफ्टर शेफला कन्फ्युज केले आहे. तिने एक विशेष बातमी दिली आहे”. अंकिताने व्यापारी विक्की जैनशी लग्न केले आहे. या दोघांनी डिसेंबर २०२१ मध्ये लग्नगाठ बांधली. त्यांचे भव्य लग्न बरेच चर्चेत राहिले आहे.
आणखी वाचा – १५ वर्षांचा संसार मोडला, घटस्फोटानंतर लता सभरवाल यांची पहिली पोस्ट, म्हणाल्या, “सुंदर चेहरा शोधणे सोपे पण…”
लग्नानंतर अंकिता तिच्या पतीबरोबर शोमध्ये सहभागी होताना दिसली. विक्की आणि अंकिताने स्मार्ट जोड़ी या शोमध्ये भाग घेतला होता. आणि ते या शोचे विजेते झाले. यानंतर, दोघेही ‘बिग बॉस’मध्ये दिसले. त्यानंतर आता ही जोडी लाफ्टर शेफ मध्ये सहभागी झाली असून धुमाकूळ घालत आहे.
