Amruta Khanvilkar Husband On Parenting : अनेक कलाकार मंडळी अशी आहेत जी लग्नानंतर काही वर्षातच मुलं जन्माला देण्याच ठरवतात आणि गुडन्यूज देतात. तर अशी काही कलाकार मंडळी आहेत जी बाळाला जन्म देण्याचा उशिरा विचार करतात. अनेकदा चाहतेमंडळीही या कलाकारांच्या वैयक्तिक आयुष्याबाबत नेहमीच जाणून घेण्यास उत्सुक असतात. अशातच सध्या अमृता खानविलकरच्या पतीने त्याच्या वैयक्तिक आयुष्याबाबत केलेलं भाष्य साऱ्यांचं लक्ष वेधून घेत आहे. यावेळी अमृता खानविलकरचा नवरा हिमांशू मल्होत्राने पालकत्वाबाबत भाष्य केलं. पालक बनण्याचा त्यांचा विचार आहे की नाही याबाबत हिमांशूने मत मांडलं आहे. त्यामुळे साऱ्यांच्या नजरा त्याने केलेल्या विधानाकडे लागून राहिल्या आहेत.
हिमांशूने नुकतीच ‘फिल्मी बिट’ला मुलाखत दिली. यावेळी हिमांशूने अनेक विषयावर गप्पा मारल्या. त्याला वैयक्तिक आयुष्याबद्दल अनेक प्रश्न विचारण्यात आले. यावेळी “‘बाबा होण्याचे काही प्लॅनिंग केले आहेस का?’, असा प्रश्न हिमांशूला विचारण्यात आला. यावर उत्तर देत हिमांशू म्हणतो, “नाही, अजून तरी नाही. याबाबत अजूनतरी काही विचार केलेला नाही”. त्यांनतर मुलाखतदार ‘पालक होण्याच्या निर्णयाबाबत तुझ्यात आणि अमृतामध्ये काही बोलणं झालं आहे का?’, असं विचारतो. यावर हिमांशू म्हणतो, “नाही. आता अशी चर्चा आमच्यात नाही होत. सुरुवातीला एक काळ असा होता जेव्हा आम्ही याबाबत बोलायचो. पण आता तरी आम्ही या निर्णयापर्यंत येऊन नाही पोहोचलो आहोत. जेव्हा नियती ठरवेल तेव्हाच हे शक्य होईल”.
पुढे हिमांशु म्हणाला, “पाच-सहा वर्षांपूर्वी एक स्टार नेटवर्कसाठी एक शो केला होता. तिथे एक लहानशी मुलगी मला भेटली. वैष्णवी असे तिचे नाव आहे. आठ-नऊ वर्षांची असेल. मी तिला माझी मुलगी मानतो. माझ्या मुलाप्रमाणेच तिची काळजी घेतो. सध्या ती शूटिंगसाठी चंदिगढला जाणार आहे”. एकूणच अमृता व हिमांशू यांचा सध्या तरी आई-बाबा होण्याचे काहीच प्लॅनिंग नसल्याचे समोर आले. अमृता आणि हिमांशू एकत्र राहत नसल्याच्याही अनेक चर्चा वेळोवेळी होताना दिसतात. मात्र करिअरच्या दृष्टिकोनातून ते वेगळे राहत आहेत असं म्हणत त्यांनी ही बाजू सांभाळली आहे.
आणखी वाचा – “लगेच चिडली आणि…”, अमृता खानविलकरने नवऱ्याला केलेलं अनफॉलो, हिमांशू अखेर म्हणाला, “रागारागात तिने मला…”
अमृता खानविलकरने २०१५ मध्ये हिमांशू मल्होत्रा बरोबर लग्न केले होते. विशेष म्हणजे दोघेजण लग्नापूर्वी साधारण दहा वर्ष एकमेकांना डेट करत होते. २००४ मध्ये ती दोघं एकमेकांना पहिल्यांदाच भेटले होते. हळूहळू मैत्री झाली आणि मग ते एकमेकांवर प्रेम करु लागले. अमृता महाराष्ट्रीयन तर हिमांशू पंजाबी आहे. अमृता मुंबईची लेक तर हिमांशू दिल्लीचा मुलगा आहे.
