अभिनेत्री अमृता खानविलकरने आजवर तिच्या अभिनयाच्या जोरावर प्रेक्षकांची मन जिंकली. अमृताने आजवर अभिनयासह तिच्या नृत्यकौशल्याने प्रेक्षकांच्या मनावर अधिराज्य गाजवलं. चंद्रमुखी चित्रपटातील चंद्रा या गाण्याने अमृताला जगभरात प्रसिद्धी मिळाली. याशिवाय अमृता सोशल मीडियावरही बऱ्यापैकी सक्रिय असते. अमृताचा सोशल मीडियावरील वावर बर्यापैकी सक्रिय आहे. सोशल मीडियावरील रील व्हिडीओद्वारे ती चाहत्यांच्या संपर्कात असते. (Amruta Khanvilkar New Video)
अमृता तिच्या कुटुंबियांसाठीही वेळात वेळ काढून काही खास क्षण घालवताना दिसते. खासकरून अमृता तिच्या आई बरोबरचे अनेक व्हिडीओ तिच्या इन्स्टाग्राम अकाउंटवरुन पोस्ट करताना दिसते. अशातच अभिनेत्री सध्या शुटिंगनिमित्त महाबळेश्वर येथे गेली असल्याचं समोर आलं आहे. इन्स्टाग्राम अकाउंटवरुन स्टोरी पोस्ट करत अभिनेत्रीने याबाबतची माहिती दिली आहे. दोन दिवसापासून अमृता शुटिंगनिमित्त तिच्या आईसह महाबळेश्वर येथे आहे.
शूटिंगसाठी बाहेर गेल्यानंतर कलाकारांचे बरेच हाल होतात. कित्येकदा या कलाकार मंडळींना बाहेरच जेवण जेवावं लागत. बरेचदा हे बाहेरच जेवण चांगलं नसतं तर सतत डाएटमुळे बाहेरच खाणं शरीरास घातक ठरतं. अशावेळी अमृता व तिच्या आईने शोधून काढलेला पर्याय अमृताने तिच्या सोशल मीडिया अकाउंटवरुन पोस्ट केला आहे. अमृताने तिच्या आईचा व्हॅनिटी व्हॅनमध्ये खिचडी बनवतानाचा एक व्हिडीओ शेअर केला आहे. स्वतःची छोटीशी इलेक्ट्रिक शेगडी घेऊन येत त्यांनी हा खिचडीचा बेत आखलेला पाहायला मिळत आहे.
अमृताच्या आईने अमृतासाठी स्वतःच्या हाताने बनवलेली ही खिचडी आणि त्यासाठी घातलेला हा थाटमाट पाहणं रंजक ठरलं. या व्हिडीओला तिने कॅप्शन देत असं म्हटलं की, “मी माझी स्वतःची शेगडी जाईन तिथे घेऊन जाते. तवा, ब्लेंडर अशा बऱ्याच गोष्टी मी माझ्याबरोबर कॅरी करते” असं तिने म्हटलं आहे.
