भारतातील सर्वात श्रीमंत व्यक्ती मुकेश अंबानी यांचा लेक म्हणजेच अनंत अंबानी लवकरच विवाहबंधनात अडकणार आहे. त्यामुळे अनंत अंबानीच्या प्री-वेडिंग फंक्शन सुरु झाले आहे. अवघ्या देशाचे लक्ष या या शाही लग्नाकडे लागून राहिलं आहे. अनंत अंबानीच्या लग्नासाठी देशविदेशातून पाहून मंडळी जमा झाली आहेत. त्यामुळे जामनगरमध्ये अनेक पाहुण्यांची, कलाकारांची, राजकारण्यांची मांदियाळी पाहायला मिळत आहे.
अनंत अंबानी लवकरच राधिका मर्चंटबरोबर बोहल्यावर चढणार आहे. पण त्यांच्या प्री-वेडिंग फंक्शनची सुरुवात आजपासूनच झाली आहे. १ ते ३ मार्च दरम्यान जामनगर येथे भव्य दिव्य कार्यक्रम पार पडणार आहे. या कार्यक्रमाला अनेक बॉलिवूड तसेच हॉलिवूड कलाकार सादरीकरण करणार आहेत. त्यासाठीची तयारी गेले महिनाभर सुरु आहे. ज्याचे फोटो व व्हिडिओ सोशल मीडियावर व्हायरल होत आहेत.
या भव्य कार्यक्रमाला ठाकरे कुटुंबीयदेखील पोचले असून त्यांचा व्हिडीओ सोशल मीडियावर व्हायरल झाला होता. अशातच सोशल मीडियावर अमृता फडणवीस यांचाही एक व्हिडीओ व्हायरल होत आहे. उपमुख्यमंत्री देवेंद्र फडणवीस यांच्या पत्नी गायिका अमृता फडणवीस यादेखील अनंत अंबानीच्या प्री-वेडिंग फंक्शनसाठी जामनगरमध्ये पोहचल्या आहेत. यावेळी त्यांनी परिधान केलेल्या त्यांच्या लूक व्हायरल होत असून असून सध्या तो चर्चेचा विषय बनला आहे.
अमृता फडणवीस यांनी या खास कार्यक्रमासाठी काळी पॅण्ट व त्यावर पिवळा शर्ट असा पाश्चिमात्य लूक केला असल्याचे पाहायला मिळाले. कार्यक्रमाच्या स्थळी पोहोचल्यानंतर त्यांनी फोटोसाठी खास पोजही दिल्या. त्यांचा हाअ व्हिडीओ सध्या सोशल मीडियावर व्हायरल होत असून या व्हिडीओवर नेटकऱ्यांनी अनेक संमिश्र प्रतिक्रियाही व्यक्त केल्या आहेत. काहींना हा लूक आवडला आहे, मात्र काहींनी तिच्या या लूकवरुन खिल्लीही उडवली आहे. तसेच अनेकांनी अमृता यांच्या या लूकवर टीका केली आहे.
दरम्यान, गेल्यावर्षी १९ जानेवारीला अनंत-राधिकाचा साखरपुडा थाटामाटात पार पडला होता. यानंतर वर्षभराने आज त्यांच्या प्री-वेडिंग सोहळ्याची चर्चा रंगली आहे. प्री-वेडिंगनंतर येत्या १२ जुलैला या दोघांचा मुंबईत शाही विवाहसोहळा पार पडणार आहे.