प्रसिद्ध दाक्षिणात्य अभिनेत्री अमाला पॉलने नुकतेच प्रियकर जगत देसाईबरोबर लग्न केले होते. त्यांच्या लग्नाचे अनेक फोटो व व्हिडीओ सोशल मीडियावर व्हायरल झाल्याचे पाहायला मिळाले होते. अशातच लग्नानंतर अवघ्या दोन महिन्यांतच आमलाने ती गरोदर असल्याची गोड बातमी चाहत्यांबरोबर शेअर केली आहे. अभिनेत्रीने सोशल मीडियावर खास पोस्ट शेअर करत तिच्या प्रेग्नेंसीबद्दलची माहिती दिली आहे. अमलाने तिच्या इन्स्टाग्राम अकाऊंटद्वारे पती जगतबरोबरचे काही हटके फोटो पोस्ट करून तिच्या गरोदरपणाबद्दल सांगितले आहे.
अशातच नुकताच अभिनेत्रीचा ओटीभरणाचा कार्यक्रम पार पडला. याचे काही खास क्षण अमालाने तिच्या सोशल मीडियाद्वारे शेअर केले आहेत. या फोटोमध्ये अमालाने मेहंदी लावलेली पाहायला मिळत आहे आणि तिने एखाद्या लाल व पांढऱ्या रंगाची साडी परिधान केली आहे. तर तिचा नवरा जगत देसाईनेदेखील तिच्या कपड्यांना साजेसा लूक केल्याचे पाहायला मिळत आहे. तसेच या फोटोमध्ये पूजा-जगत हे दोघेही एकमेकांकडे प्रेमाने पाहताना दिसत आहेत.
अमला-जगतचे ५ नोव्हेंबर २०२३ रोजी कोचीमध्ये लग्न पार पडले होते. तिच्या लग्नात अमालाने लॅव्हेंडर रंगाचा लेहेंगा परिधान केला होता. तर जगतनेही अमालाच्या लूकला साजेसा अशी शेरवानी परिधान होती. अमालाचे हे दुसरे लग्न असून तिचा पहिला संसार अवघ्या तीन वर्षातच मोडला होता. अमालाने दिग्दर्शक एल. एल. विजयबरोबर पहिलं लग्न केलं होतं. २०१७ मध्ये अमालाने तिच्या पूर्वाश्रमीच्या पतीबरोबर घटस्फोट घेतला. त्यानंतर तिची मैत्री जगतबरोबर झाली. दोघांच्या मैत्रीचं रुपांतर प्रेमात झालं. काही वर्ष एकमेकांना डेट केल्यानंतर त्यांनी लग्न करण्याचा निर्णय घेतला.
अमला पॉल नुकत्याच प्रदर्शित झालेल्या ‘आदुजीविथम’ या चित्रपटात दिसली, ज्याचे नाव ‘द गोट लाइफ’ही आहे. अमालाने अजय देवगणच्या ‘भोला’मध्येही छोटीशी भूमिका साकारली होती. दरम्यान, अमालाने शेअर केलेल्या या फोटोखाली अनेक् कलाकारांसह तिच्या अनेक चाहत्यांनीही तिला कमेंट्सद्वारे शुभेच्छा दिल्या आहेत. तसेच अनेकांनी तिला अभिनंदनही केले आहे
