Ajinkya Nanaware And Shivani Surve Engagement : अभिनेत्री शिवानी सुर्वे व अभिनेता अजिंक्य ननावरे यांचा शाही साखरपुडा सोहळा नुकताच थाटामाटात संपन्न झाला. गुपचूप साखरपुडा सोहळा उरकत शिवानी-अजिंक्यने चाहत्यांसह आनंदाची बातमी शेअर केली. अगदी पारंपरिक अंदाजात दोघांचा साखरपुडा सोहळा संपन्न झाला. दोघांच्या साखरपुडा समारंभातील अनेक फोटो, व्हिडीओ सोशल मीडियावरुन वाऱ्यासारखे पसरले आहेत. त्यांच्या साखरपुड्याची बातमी दोघांनी सोशल मीडियावरुन फोटो व पोस्ट शेअर करत दिली.
दरम्यान, शिवानी व अजिंक्यवर शुभेच्छांचा वर्षाव होताना पाहायला मिळत आहे. शिवानी-अजिंक्य दोघांवर सिनेसृष्टीतील अनेक कलाकार मंडळींनीही शुभेच्छा देत दोघांचं अभिनंदन केलं आहे. तर अभिनेता माधव देवचक्के याने त्याच्या सोशल मीडिया अकाउंटवरुन शिवानीच्या लग्नापूर्वीच्या विधींमधील एक व्हिडीओ शेअर केला आहे. यांत ‘बिग बॉस’मधील अनेक कलाकार मंडळी शिवानीसह थिरकताना दिसत आहेत. नेहा शितोळे, मेघा धाडे, श्वेता मेहंदळे ही कलाकार मंडळी थिरकताना दिसत आहेत. सर्व कलाकारांनी शिवानीच्या लग्नात धमाल केलेली पाहायला मिळत आहे.
शिवानी व अजिंक्यच्या लग्नाची सर्वत्र धामधूम सुरु असलेली पाहायला मिळत आहे. दोघांच्या लग्नसोहळ्याची लगबगही समोर आली आहे. लवकरच ही लोकपप्रिय जोडी विवाहबंधनात अडकणार आहे. साखरपुड्यानंतर शिवानी व अजिंक्यच्या हळदीसाठी सजलेल्या मंडपाचे फोटोही समोर आले आहेत. यावरुन त्यांची हळद उरकली असल्याचं कळतंय. मात्र अद्याप हळदी समारंभातील फोटो समोर आलेले नाहीत. शिवानी व अजिंक्यच्या लग्नसोहळ्याकडे आता साऱ्यांच्या नजरा लागून राहिल्या आहेत.
ठाण्यातील येऊर हिल येथे थाटामाटात संपन्न झालेल्या शिवानी व अजिंक्यच्या साखरपुडा सोहळ्यातील लूकनेही साऱ्यांचं लक्ष वेधून घेतलं. साखरपुड्यासाठी शिवानीने परिधान केलेल्या फिकट जांभळ्या रंगाच्या साडीत तिचं सौंदर्य खुललं होतं. वेस्टर्न लूकवर तिने हिरव्या बांगड्यांचा चुडा घातला होता. तर अजिंक्यने पांढऱ्या रंगाचा कुर्ता, जॅकेट व त्यावर टोपी घातली होती.
